(3) Lang Ngu Na Ramma Ginsup Poi Lamang Kaba Hpe Tanghpre Kaw Galaw Na Matu Hkyen Lajang Nga

2018 Ningna Ginsup Poi hta mu lu ai Ramma ni / Photo:DYC

Myitkyina Sasana Ginjaw Ramma (DYC) kawn woi awn let, (3) lang ngu na Myitkyina  Sasana Giwang kata na Ramma ni a Ginsup  Poi hpe du wa August shata praw 1 ya shani kaw nna praw 5 ya shani du hkra, Tanghpre Jau Aseng, Tanghpre, Sumsing Lamu a Hkawhkam Jan Nawku Jawng Wang kaw hkik hkam ai hku galaw sa wa na re ai lam DYO Facebook laika man kaw ka da ai hte maren chye lu ga ai.

Ramma Ginsup Poi galaw ai lam a yaw shada ai lam gaw,

  1. Myitkyina Sasa Ginwang kata na Rammani langai hte langai grau grau hku hkau wa nna sasana magam lam hta ap nawng dau jau lu na matu

      2. Ramma ni nanghpam malu masha hpe koi yen koi gam lu na matu

      3. Ginsup hpan  shagu  hta Ningtawn ai Ramma ni paw pru wa lu na matu

     4. Ginsup ai a marang e,hkum hkrang bawngring hkamja zet let ai, marai ningja rawng ai Ramma ni     byin tai lu na matu yaw shada ai re ai lam chye lu ga ai.

Ginsup poi hta ,Futsel ,Volleyball,Table Tennis,Chess, Meter 100 gat shingjawng ai lam ni hpe num/la san san shingjawng mat wa na rai nna, num kasha ni Batminton hte La kasha ni Ka Din Chin Loon ginsup hpan ni hpe mung shingjawng mat wa na re ai lam chye lu ai.

Dai hta n-ga , tangpyaw ginsup hpan langai hku nna Wa Rim shingjawng ai lam hpe mung galaw na re ai lam chye lu ai.

Ginsup poi hta   Myitkyina, Shatapru,Waing Maw, Tanghpre, Sumpra Bum, Lungsha Yang, Kachyi Htu, Chipwi, Monyin, Mo Gaung, Danai, Hpakant, Lawa, Kamaing, Shadau hte Kata Jau Ginwang, ndai Jau Ginwang 17 ni shang lawm mat wa na re ai lam chye lu ai.

Lai wa sai shaning hta 2 lang ngu na Ramma Ginsup Poi hpe Mo Gaung Jau Ginwang  kaw galaw lai wa sai rai nna 1 lang ngu na ginsup poi hpe Myitkyina Edin San Luka Chyum Jawng wang hta 2017 Frebruary 24-26 ya laman galaw lai wa sai re lam chye lu ai.

Ramma Ginsup Poi Kaba hpe awng dang ai hku galaw lu na matu  ja gumhpraw hte kaga arung arai ni hpe alu jaw mayu ai Nu Wa Hpu Nau ni hpe mung saw shaga dat ga ai nga nna Myitkyina Sasana Ginjaw Ramma ni Facebook laika man kaw nna n dau shana dat ma ai.

Alu jaw mayu ai ni matut mahkai mai ai hkringdat:

1.Mama Benedeth Pri Ja (09267298622)

2.Teresa Ja Bu (0940003090)

3.Monica Kai Dim (09256427747)

Ref:Myitkyina Sasana Ginjaw Ramma Dap

Thomas

Add new comment

11 + 0 =