(23) Lang Na Tanghpre Maria Shagrau Poi Hte Sasana Shang (75) Ninghpring Jubali Poi

Manau Hpaw Poi Lamang galaw nga yang

Tsawra ai Nu Wa Hpu Nau ni, Myitkyina Sasana kata kaw nga ai, Mali Nmai zup, Tanghpre Mare na Hkam kaja lam a Kanu, Chyoi pra ai Nu Maria shagrau poi hpe 2020 Frebruary praw 10 ya kawn 12 ya shani du hkra galaw nga ga ai re.

(23) lang ngu na ndai Nu Maria Shagrau Poi hte hpawn, dai ning gaw Tang Hpre Mare de Kahtawlik Sasana shang ai (75) ninghpring ai shaning mung rai nga ai.Dai hte maren, ndai (75) ninghpring Lungseng Jubali Poi hpe  alak mi hku nna Wunpawng htunghking Manau Dum let chyeju shakawn  kabu awlaw ai lamang hpe mung galaw nga ai rai nga ai.

Dai ni Frebruary 11 ya shani jahpawt hkying 8 aten hta, Tanghpre Mare de kahtawlik Sasana Shang ai (75) ninghpring Jubali Nau Hpaw poi hpe Wa Saradaw Francis Daw Tang, Wasaradaw Paul Zinghtung Grawng yan shaman ai hte seng ai htunghking salang ni woi awn nna, Hpung masha ni ni law law shanglawm let  manau nau la lu sai re.

Jahpawt hkying 11:00 Am ten hta, Hkam kaja lam a Kanu Chyoi Pra Nu Maria hpe  Shagrau ai Missa hkungga akyu hpyi hpawng kaba hpe mung Wasaradaw 2 hte Jau ni marai 20 jan woi awn nna Hpung masha law law shanglawm ai hte galaw la lu sai rai nga ai.

Hkam kaja lam a Kanu Chyoi Pra Ai Nu Maria ngu ai hte maren, Ndai Tanghpre Maria shagrau poi de sa du akyu pyi la nna hkam kaja lam hpe jaw ya lu ai namman sau hpe chya hkam la ai marang re, kaja nan tinang a prat hta hkam kaja ai akyu chye ju hpe hkam la lu ai re lam sa du shanglawm ai ni sakse hkam tsun dan lai wa masai re.

Dai ni na Wa Saradaw Francis Daw Tang htawn tsun ai Mungga hta mung, hkam kaja lam hpe kaja nan jaw ya lu ai ngu kam nna akyu hpyi ra ai lam, shaloi kaja nan Chyoi Pra Nu Maria akyu hpyi garum ya nna hkam kaja ai akyu hpyi jaw ya na re ai lam tsun lai wa sai rai nga ai.

Dai ning na poi hta lak lai ai gaw, Nyawng Lay Pyin Maria shagrau Poi hpe Corona Virus mabyin a majaw, tsang ra ai ngu nna nhtoi sit kau ai sai hte maren, Manmbaw, Hpakant hkan na hpung masha ni mung ndai Tanghpre de sa du shanglawm ai hpe mu lu nga ai.

Thomas

Add new comment

3 + 12 =