2019 Student Leadership Camp Galaw

Catholic Student Action Myitkyina (Csam) kaw na woi awn galaw ai Student Leadership Camp hpe Shatapru Jau Ginwang, PLN Clay Center kaw August shata praw 1 ya shani kaw nna praw 6 ya shani du hkra galaw nga ma ai.

Ndai sharin hpawng hta, Jinghpaw Mung Myitkyina Dakkasu, Myitkyina Zai Ladat Hpaji Jawng TU, Computer Dakkasu,Nursing Training Jawng hte Monyin Decgree College ni kaw na jawng ma 30 daram sa du sharin hkam la nga ma ai lam, Camp laman Ningbaw ningla hpaji hte masha hpawng kata tsun shaga kanawn mazum chye ai baw hpaji lam amyu myu hpe sharin ya nga ai lam chye lu ai.

Ndai ningbaw ningla hpaji sharin ya ai wunkat hpe Csam kawn shawng nna numbat langai lang hku nna Csam kaw lawm ai Komiti malawm ni hpe laksan saw shaga let galaw ai re lam, du wa na ten ni hta ramma ni bawngring galu kaba wa na lam hte seng ai Camp ni hpe matut galaw mat na re ai lam chye lu ai.

CSAM ngu ai Catholic Student Action Myitkyina hpe lai wa sai 2018 August shata kawn Sagurem Wa Saradaw Francis Daw Tang a matsun madi shadaw ai hte maren, Philippines Mugndan kaw na du sa wa ai, Columban Jau Kurt Zion Pala woi awn ai hte hpaw hpang wa ai rai nna, Dakkasu Jawng lung nga ai Kahtawlik Ramma ni shada da hku hkau kanawn mazum  let bawnring galu kaba lam, hpaji lam hta shakut lu na matu hte Ramma ni Nawku hpung a sharin shaga ai hte maren sak hkrung hkawm sa wa lu na matu yaw shada let lamang amyu myu galaw woi nga ai wuhpung re ai lam chye lu ai.

 

#localnews

#rvakachinservices

Add new comment

5 + 3 =

Please wait while the page is loading

2019 Student Leadership Camp Galaw | Radio Veritas Asia

Error

The website encountered an unexpected error. Please try again later.