2018 Ning Laman Mungkan Masha Wan 820 Jan Sha Na Malu Masha Nlu Lai Wa

Lai sai 2018 ning laman Mungkan masha wan 820 jan malu masha nlu la lai wa ma ai, nga nna UN Mungkan rapdaw a 2019 ning sum tang laika pru wa nga ai.

Dai sumtang laika pru wa ai hpang , Mungkan hta byin hkrum nga ai kaw si hpang gara lam hpe manga kau lu na matu mai kaja ai myit masin ra nga ai zawn, ta gin dun jawm shakut ai lam mung ra nga ai, nga nna malu masha hte hkai lu hkai sha lam mungkan rapdaw hte seng ai Vatican dingrun dat kasa Saradaw kaba Chica Arellano tsun dat nga ai.

Saradaw kaba tsun ai hta, “Tinang hta grau matsan mayam hkrum nga ai hpu nau ni hpe garum lakawn la ra ai lit hpe mungkan masha ni atsawm n-gun hpai la nga ma ai. Kaw si hpang gara hkrum ai masha jahpan laning hte laning grau law jat wa nga ai, kaw si hpang gara lam n nga hkra kasat manga lam hpe mungkan mungdan ni hku nna ya na hta grau n-gun dat shakut ra na re, grau nna shinggyim masha e shabyin ai sut masa mang hkang, majan mang hkang hte shingra tara hten za shangun ai mang hkang alm ni hpe nbyin hkra n-gun dat shahkut lam galaw ra na re, myit masin kaja rawng ra nga ai hte ta gin dum jawm shakut ai lam ni grau n gun dat shakut ra na ga ai, shing nrai yang 2030 ning du ai shaloi matsan mayam kaw si hpang gara hkrum ai masha mungkan hta tsep kawp mat hkoi ra ai, ngu nna tawn da ai mungkan rapdaw a ban dung du lu nan re” nga nna saradaw kaba tsun dat nga ai.    

2018 ning laman sawk sagawn lam galaw da ai UN Mungkan rap daw a 2019 ning sumtang laika hta, 2018 ning laman kaw si hpang gara hkrum ai masha Asia dan hta wan 500 jan, Africa dan hta wan 250 jan, hte Latin American dan hta wan 42 jan nga lai wa ai, nga nna Vatican shiga dap kaw nna shana dat nga ai.  

Source:Vatican News

Add new comment

3 + 2 =

Please wait while the page is loading

2018 Ning Laman Mungkan Masha Wan 820 Jan Sha Na Malu Masha Nlu Lai Wa | Radio Veritas Asia

Error

The website encountered an unexpected error. Please try again later.