Wa Sarabyin A Mungga ( Pope Message ) 02 August 2023

Wa sarabyin Francis kawn World Youth Day pilgrims hpe Portugal na Our Lady hta ap tawn da sai Shiga.

Wa sarabyin Francis Portugal de Apostolic journey garai nsa shi yang Roman Basilica kaw na Saint Mary Major ngu ai kaw akyu hpyi lai wa sai, bai dai hta e daini kawn galaw hpang sai World Youth Day lamang mahkra a matu mung Bless Virgin Mary lata hta akyu hpyi ap da sai lam chye lu ai.

Wa sarabyin Francis kawn lai wa sai Bat Langai ya shana maga ten Portugal Mung de Apostolic journey garai nsa shi yang Roman Basilica of Saint Mary Major de sa let icon of Mary, “ Salus Populi Romani” hta akyu hpyi ai lam galaw lai wa ai hpe chye lu ai.

Wa sarabyin gaw shi a hkrun lam hte daini kawn ramma ni law law hte hkrum zup na lam hpe Bless Virgin Mary hta ap da ai lam hpe The Holy See Press kawn na chye lu ai.

Wa sarabyin gaw Lisbon kaw daini August 2 – 6 du hkra World Youth Day lamang hpe woi awn shang lawm nga na re lam hpe chye lu ai. Wa sarabyin Francis gaw ya na lang hte World Youth Day hta ningbaw hku woi awn shang lawm ai lam gaw Mali lang rai sai hpe mung chye lu ai, (2013) hta Brazil, Jeneiro , (2016) hta Polang, Krakow hte (2019) hta Panama, Panama City ni hta masum lang tup shang lawm woi awn lai wa sai hpe chye lu ai.

Wa sarabyin kawn du na Bat kru ya shani Marian ngu ai Shrine of Fatima de sa du gawan na matu hkyen lajang da ai lam hpe mung chye lu ga ai. Ya galaw hpang nga sai (38) lang na World Youth Day hpe (2022) ning hta Portugal na Capital kaw galaw na daw dan da tim Covid a majaw aten shaning hpe htawt sit kau ai lam chye lu ai.

Ya galaw hpang nga sai World Youth Day a matu mung Wa sarabyin Francis shi hkum nan lata da ai Motto ga lashum gaw( dai nhtoi hte hta e Mari gaw yuda mung na bum ga e nga ai mare langai mi de alawan rawt sa mat ai) “Mary arose and went with haste” ngu ai (Lk 1:39) na rai nga ai.

https://www.vaticannews.va/en/pope/news/2023-07/on-eve-of-lisbon-journey-pope-francis-praysat-st-mary-major.html

By; Patrick Nawlang Zau Jat Awng

Coordinator Of RVA Kachin