Wa Sarabyin Kawn Sumsing Lamu De Du Lung Nga Sai Nu Maria Kaw Simsa Lam A Matu Akyu Hpyi Ai

Wa sarabyin Francis gaw  Ukraine Mungdan hte Mung Kan ting   simsa lam a matu matut nna myit mada let kyu hpyi garum na matu anhte hpe hpyi shawn da ai lam chye lu ai.

Wa sarabyin kawn chyoi pra ai Nu Maria  hpe lamu de woi shalun la ai poi (the Assumption) nhtoi hta “ Nu Maria sum sing lamu de lung wa sai hte maren  anhte mung Ukraine mungdan hte shara shagu hta simsa wa na matu Nu Maria hta ap tawn da nga ga” ngu nna Missa hkungga  hta tsun lai wa sai hpe chye lu ai.

Wa sarabyin gaw anhte a mungkan shara law malawng hta majan hkrum sha nga ai lam ni nga ai hpe chye lu ai majaw myit yawn nga ai “ anhte pri nem na hpe jahkrum ai lam hta sinat nsen ni hte ka up nga ai” bai nna “ n-gun atsam a ahkaw ahkang gaw jaw ang ai ahkaw  ahkang hpe ka up kau lu ai” hpe tsun lai wa ai.

Kaning re ai ginlam ni nga tim anhte ni myit n shayawm kau ai sha matut nna myit mada let akyu hpyi shakut nga ga. Hpa majaw nga yang anhte a labau hpe lam madun ya ai hte anhte a kyu hpyi nsen hpe madat ya ai gaw anhte a Karai Kasang rai nga ai.

Nu Maria hpe lamu de woi shalun la ai poi kaba gaw ( The Solemnity of the Assumption) Italy mung na summer holiday nhtoi langai mung rai nga ai, Dai shani na poi nhtoi hta St. Peter Square kaw masha Tsa lam sa du shang lawm lai wa ai hpe chye lu ai. Dai hta sa du ai ni yawng hpe Wa sarabyin  shakram ai lam hpe chye lu ai, grau nna lak lai ai hku Diocese of Verona hte Mary Immaculate kaw sa aten jaw ai ramma ni hpe shakram ai lam galaw lai wa sai.

Hpang jahtum hku nna yawng hpe Happy Feast Day ngu shakram ai hte shi a matu akyu hpyi garum na lam garum hpyi dat ai hpe chye lu ai.