Wa Sarabyin : Hkap La Kam Sham Ai Lam N bung Ai Masha Ni Hte Jahte Tam Ai Lam Nrai Mahkrai Htan Ai Lam Hpe Madaw  Galaw Nga Ga

 

Tinang hte ningmu nbung, hkap la kam sham ai lam nbung re ai masha ni hpe jahte tam lam nrai, hku hkau ganawn mazum lam, mahkrai htan lam hpe madaw galoi mung galaw nga ga, nga nna Wa sarabyin Francis tsun dat nga ai.

November praw 6 ya, bat masum ya shani San Peter pa kaba hta hpawng nga ai shawa hpawng kaba hpe sharin shaga lam galaw ai hta lahta na zawn Wa Sarabyin tsun dat ai lam rai nga ai.

Kasa laika hta na, tara maigan masha ni a mare daju kaba rai nga ai Athens ngu ai Mare hta Kasa Pawlu hkaw tsun sharin shaga lam galaw ai ja chyum mungga hte lakap nna hkaw tsun ai lam rai nga ai.

Wa Sarabyin tsun ai hta,

“Nat hpara ni law law nga ai tara maigan masha ni a Mare daju Athen hta Kasa Pawlu hkaw tsun lam galaw ai shaloi, dai masha ni a makam masham kaba ai lam, tengman ai lam hpe chye mayu ai shanhte a sharawng awng ai myit hpe tsun shakawn shagrau ai lam Kasa Pawlu galaw lai wa ai. Mying shamying nchye ai Karai Kasang a matu nga nna galaw shachyaw da ai tawn hkungri hpe dai shara hta Kasa Pawlu mu ai shaloi, Mungkan ga hpe hpan da ai Madu Karai Kasang gaw shi a hkum hpe lam amyu myu hku nna hpaw shaleng ai lam galaw nga ai, masha yawng tengman ai lam hpe hkumzup ai hku lu la mu ga yawng hpe saw shaga na matu shi a kasha Madu Yesu hpe shangun dat nga ai, nga nna Kasa Pawlu tsun ai. Madu Yesu a si hkam ai lam hte bai hkrung rawt wa ai lam hte seng nna Kasa Pawlu hkaw tsun ai shaloi, Athen masha ni nkam madat ya ma ai, raitim mung Kasa Pawlu a hkaw tsun ai lam ni a marang e tara maigan masha ni law law makam masham yin la lai wa ma ai. Tinang hte ningmu nbung, hkap la kam sham ai lam nbung re ai masha ni hpe jahte tam lam nrai, hku hkau ganawn mazum lam, mahkrai htan lam hpe madaw galoi mung galaw nga ga. Makam masham mungga hpe si mani ai masa hte gat hkai shachyam shabra lu na matu Chyoi pra ai Wenyi hpe saw shaga ga, Madu Yesu a lam hpa garai nchye shi ai masha ni hpe tsawra myit hte yu mu mada nna, masha shagu hkap la lu mai ai, myit masin ja ai masha ni du hkra hkap la lu mai ai tsawra myit hte makam masham a mungga hpe si mani ai masa hte shachyam shabra lam galaw ga” nga nna Wa sarabyin hkaw tsun lai wa ai lam Vatican shiga dap kaw nna shana dat nga ai.                   

Source : Vatican News

Add new comment

15 + 2 =

Please wait while the page is loading

Wa Sarabyin : Hkap La Kam Sham Ai Lam N bung Ai Masha Ni Hte Jahte Tam Ai Lam Nrai Mahkrai Htan Ai Lam Hpe Madaw  Galaw Nga Ga | Radio Veritas Asia

Error

The website encountered an unexpected error. Please try again later.