Synod Hkumra Hpawng Ngu Ai Gaw  Chyoi Pra Ai Wenyi Shang Lawm Shamu Shamawt Ai Lam Rai Nga Ai, Nga Nna Wa Sarabyin Tsun

Synod hkumra hpawng ngu ai gaw masam maram sawk sagawn dinglik lam galaw ai hpawng nrai, Chyoi pra ai Wenyi shang lawm shamu shamawt ai lam she rai nga ai, nga nna Wa Sarabyin  Francis tsun dat nga ai.

Synod hkumra hpawng galaw na matu Roma hta du hpawng nga ai Ukrainian Greek-Catholic Nawku hpung Saradaw ni hpe hkrum shaga ai mungga hta lahta na zawn Wa Sarabyin tsun dat ai lam rai nga ai.

Wa Sarabyin tsun ai mungga hte seng nna Vatican shiga dap kaw ka da ai hta, “Synod hkumra hpawng ni galaw ga ai shaloi, hkumra hpawng a ntsa shut ai chye na mu mada lam ni anhte hta nga chye ga ai. Synod zup hpawng ngu ai hpe, jawm zup nna ning mu lam ni hpe jawm tang madun, mahtai tam, myit hkrum lam ni hpe jawm daw dan la ai rapdaw zup hpawng langai zawn anhte mu mada chye na chye ga ai, raitim mung Synod hkumra hpawng ngu ai gaw myit hkrum daw dan lam ni galaw la lu na matu jawm hpawng ai rapdaw zup hpawng nrai, Chyoi pra ai Wenyi shang lawm ai  hpawng rai yang she, dai hpe Synod hkumra hpawng ngu nna tsun ai, Chyoi pra ai Wenyi nlawm ai rai yang dai gaw Synod hkumra hpawng nrai, Nawku hpung ngu ai nnga ai rai yang Nawku hpung a sari maka kumla ngu ai mung nnga ai, Nawku hpung a sari maka kumla gaw Kabu gara ai shiga shachyam shabra ai lam rai nga ai, ndai Synod hkumra hpawng hpe Chyoi pra ai Wenyi hte rau shang lawm nga ga, hpawng laman hta langai hte langai nbung ai ning mu lam ni hte tsun dang rang hkat ai lam ni nga ai rai tim, hkumra hpawng Synod hpe woi awn lam shawng tai nga ai gaw Chyoi pra ai wenyi rai ra na re” nga nna hkumra hpawng shang lawm nga ai Ukrainian Greek-Catholic Saradaw ni hpe Wa Sarabyin tsun dat nga ai.

Source : Vatican News

Add new comment

11 + 0 =

Please wait while the page is loading

Synod Hkumra Hpawng Ngu Ai Gaw  Chyoi Pra Ai Wenyi Shang Lawm Shamu Shamawt Ai Lam Rai Nga Ai, Nga Nna Wa Sarabyin Tsun | Radio Veritas Asia

Error

The website encountered an unexpected error. Please try again later.