Manu Nhpyi Ai Sha Masha Ni Hpe Daw Jau Ra Ga Ai, Nga Nna Wa Sarabyin Tsun

Manu jahpu nhpyi ai sha Karai Kasang anhte hpe tsawra nga ai zawn, anhte mung  manu jahpu nhpyi ai sha masha ni hpe daw jau ra ga ai, nga nna Wa Sarabyin Francis tsun dat nga ai.

 Lai wa sai bat lahkawng ya jahpawt na Missa hkungga mungga hta, hkaw tsun hkawm sa na matu kasa ni hpe madu Yesu shangun dat ai dai shani na kabu gara ai shiga ja chyum mungga hte la kap nna hkaw tsun lai wa ai lam rai nga ai.

Wa Sarabyin tsun ai hta, “Karai kasang anhte hpe tsawra nga ai zawn, anhte shada da tsawra daw jau hkat nga na matu shaga la hkrum ni anhte rai ga ai, jahpu manu njaw ai sha lu la ga ai zawn, jahpu manu nhpyi ai sha jaw ya ra ga ai, Hkristian prat ngu ai gaw shara mi hta sha tem rai nga ai baw hpan prat nrai, pru hkawm sa ra ai baw prat she rai nga ai.  Dai zawn pru hkawm sa ai aten, ‘Sumsing lamu a Mungdan gaw ni wa magang ra ai,’ ngu nna hkaw tsun dan mu.

 Machyi makaw hkrum ai ni hpe shamai ya mu; si mat ai ni hpe sharawt dat mu; manggang kap ai ni hpe jaseng ya mu; nat ni hpe shaden kau mu;’ nga nna Madu yesu matsun da ai lam nga ai. Dai re majaw Hkristian prat ngu ai gaw daw jau ai prat rai nga ai. Myit n pyaw hpa lam gaw, Hkristian ni hku nna, Hkristian nnan tai wa ai aten ni hta daw jau mayu ai myit masin ni rawng nga nga ai hte, daw jau ai lam ni galaw ga ai ratim, na wa yang daw jau na malai masha hpe yam sha na madaw she galaw wa ma ai.

Ndai lam gaw Karai Kasang a amyu masha ni hpe hkra machyi shangun lam byin pru shangun ai. Anhte Hkristian ni a shaga la hkrum ai lam gaw daw jau na matu re, masha hpe yam sha na matu nrai nga ai. Hkye hkrang la ai lam ngu ai gaw jahpu manu jaw nna mari la lu mai ai baw hpan nrai, Karai Kasang anhte hpe jaw ya ai chyeju kum hpa she rai nga ai, jahpu manu n jaw ra ai sha Karai Kasang a lata kaw nna anhte lu la ai lam rai nga ai. Jahpu n jaw ai sha anhte lu la ga ai majaw anhte mung jahpu n hpyi ai sha jaw ya ya ra na rai nga ga ai” nga nna Wa Sarabyin hkaw tsun lai wa ai.

Source:Vatican News

 

Add new comment

7 + 9 =

Please wait while the page is loading

Manu Nhpyi Ai Sha Masha Ni Hpe Daw Jau Ra Ga Ai, Nga Nna Wa Sarabyin Tsun | Radio Veritas Asia

Error

The website encountered an unexpected error. Please try again later.