Karai A Kabu Gara Shiga Hpe Rau Sak Se Hkam Ai Lam 24 August 2023

Nhtoi: 21-8-2023

Wa sarabyin kawn Karai a kabu gara shi hpe rau sak se hkam ai lam hta shang lawm na matu Christan hpung masha ni hpe saw shaga ai

Kaja ai apu asi ni a matu Karai Kasang hpe chyeju dum ai, Wa sarabyin Francis kawn Northern Italy kaw ndai bat hta galaw na Waldensians and Methodists ni a Synod gathering de telegram kaw nna Christian ni hpe rau chyawm galaw sa wa na hpe laika hku nna n-gun jaw shadum dat ai lam chye lu ai.

Wa sarabyin Francis kawn Christan ni yawng hpe kabu gara shiga sak se hkam ai lam hta shang lawm na matu yawng hpe saw shaga dat ai.

Ndai bat laman Northern Italy kaw galaw maw mawn ai Methodist hte Waldensian Church yen a zuphpawng hta telegram hku nna laika hpe Vatican Secretary of State rai nga ai Cardinal Pietro Parolin kawn sa dat ai lam hpe chye lu ai.

Wa sarabyin kawn Zuphpawng hta sa du ai ni hpe shawn nnan shakram ai lam galaw lai wa ai, dai hpang ndai zuphpawng hta shang lawm ai marai hkum shagu hpe Madu Yesu hte rau Kahpu Kanau tai nna, Hpring tsup dingman ai kanawn mazum hpawng chyawm ai hte sung htum ai mahkrum madup ni hte hkap tau hkalum la ai, bai lam matsun madun ai, Lam woi ning shawng ai ni tai na matu Wa Sarabyin kawn myit yaw shada nga ai lam tsun lai wa sai.

Wa sarabyin kawn lata sharawt let Karai Kasang kaw “Christan wuhpung ni yawng pawng nna hkrum zup bawng ban hpawng (ecumenican dialogue) hta ap jaw hkrum sai Kum hpa” bai nna “Christan ni yawng shada da jawm pawng ai hte mara raw dat hkat na matu” ahkyu hpyi lai wa sai hpe chye lu ai.

Wa sarabyin hku nna ndai ahkyak ai lamang galaw ai ten hta anhte ni Karai Kasang a Mungga rai nga kabu gara shiga a sak se tai ai lam hta shada da tinang chye ai hpaji ni hpe garan gachyan na matu wenyi myit masin hta rawng taw nga na hpe ra sharawng ai lam tsun lai wa ai.

Wa sarabyin kawn Karai Kasang kaw na shaman ai lu la na matu hte ndai zuphpawng  a matu gaja htum ai yaw shada lam ni hpe ap ya let hpungdim da ai hpe chye lu ai.

An Italian Chruch kaw na “The Union of Methodist and Waldensian Churches hpe 1975 ning Italy Mungdan hta nawku hpung de hpang wa ai hpe chye lu ai, dai kaw nna Waldensian Evangelical church hte Evangelical Methodist church ngu ai Italy Mungdan hta rau byin tai wa ai. Dai wuhpung yawng Masha 50000 nga ai, dai hta na 5000 gaw Methodist rai nna 45000 gaw Waldensians rai nga ai, masha law malawng gaw Italy kaw na rai nna , nkau chyawm gaw Argentina hte Uruguay Mungdan na re ai lam hpe chye lu ai.

https://www.vaticannews.va/en/pope/news/2023-08/pope-greets-synod-gathering-of-waldensian-
and-methodist-churches.html

By; Fr. Patrick Nawlang Zau Jat Awng

Coordinator Of RVA Kachin Jinghpaw