Europe Dan  A  Ahkyak Madung Hpe Manu Shadan Makawp Maga Na Matu Mungdan Masha Ni Hpe Wa Sarabyin  tsun Shadum

10 May 2020, 12:18, Vatican

Wa Sarabyin gaw lai wa sai laban shani chyingtung Madu a Lamu Kasa kyu hpyi ga tsun ngut ai hpang Mungkan shara shagu na hpung masha ni hpe shakram mungga tsun dat nga ai.

Dai shaloi , Europe Mungdan na ningbaw ningla ni hte lit la woi awn nga ai ni yawng hpe European Union ngu ai EU wuhpung kaba a manu Core Values ni rai nga ai EU a sari sadang, shanglawt ahkang, Democracy, Maren mara  re ai lam the nlaw ai amyu ni a wanglu wanglang ahkaw hkang ni hpe hkungga manu shadan let makawp maga na matu n-gun jaw tsun shadum ai lam galaw dat nga ai.

European Union (EU) Europe Dan Wuhpang Kaba hpaw na matu Schuman ndau shana ai (70) ning hpring masat dingsat  hku nna Wa Sarayin ya na zawn tsun dat ai lam rai nga ai.

 Wa Sarabyin tsun ai hta,

1950, May 9 ya shani Robert Schuman ndau ai lam shapraw da ai lam hpe lakap nna, Europe Dan na Mungdan law law gahkying gumding wa ma ai rai nga ai, dai majaw (2) lang ngu na Mungkan majan ten hta kap wa ai shing dawng machyi ai lam ni pri nem shazim kau lu ma ai rai nna, de a apu asi ni daini anhte ni di sha hkam sha taw nga ga ai. Dai majaw lit la woi awn nga ai ni yawng hpe shadum n-gun jaw mayu ai gaw, ndai labau shang ai ndau shabra ai kaw na sharin la let ya na zawn ana zingli tsin-yam kaba a majaw sut masa lam hta mayak mahkak hkrum nga ai hpe myit hkrum mang rum let sha, shada da garum shingtau hkat let mayak hpe  gasat manga laidi kau ga

nga nna n-gun jaw da nga ai.

Europe Dan na Mungdan ni (2) lang ngu na Mungkan majan tsin-yam hpe mana maka hkrum sha lai wa ai. Dai majan gaw 5 ning na ai rai nga ai. (French) pyintit  Mungdan sumtsan salang (French Ambassodor) Robert Schuman hti ndau lai wa ai Schuman ndau gaw, Europe Mungdan ni grau grau myit hkrum gahkying gumdin rawt jat wa na matu, EU (Europe Union) Europe pawng hpawng hpung tai nga na matu shawng na lahkam rai wa sai re lam, daini Europe Dan na mungdan ni gahkyin gumdin let pawng hpawng ai sut masa hpung ni hpe gaw sharawt lu ai; shinggyim nga sat nga sa lam hpe rawt jat bawng ring ai hta hkawm sa lu hkra galai shai galaw ya lu sai re lam Wa Sarabyin tsun ai hta lawm nga ai.

Grau nna, nhprang wan n-ga hte hpri gang htuk shapraw bungli hpe shada shing jawng galaw htuk shapraw ai  ( the pooling of coal and steel production) hta Pyintik (French) hte Gamany mungdan lahkawng lapran na mang hkang labau hpe htawk madun let, dai zawn n byin na matu Wa Sarabyin kawn shadum hpaji jaw dat ai Vatican shiga dap kawn shana da nga ai..

Source : Vatican News

Add new comment

11 + 7 =

Please wait while the page is loading

Europe Dan  A  Ahkyak Madung Hpe Manu Shadan Makawp Maga Na Matu Mungdan Masha Ni Hpe Wa Sarabyin  tsun Shadum | Radio Veritas Asia

Error

The website encountered an unexpected error. Please try again later.