Coronavirous Hpe Manga Kau Lu Hkra N Gun Dat Shakut Nga Ai Ni Yawng Hpe Chyeju Dum Nga Ai Lam Wa Sarabyin Tsun

Coronavirous Ana Zinli Hpe Manga Kau Lu Hkra N Gun Dat Shakut Nga Ai Ni Yawng Hpe Chyeju Dum Nga Ai Lam Wa Sarabyin TsunShapraw Dat Nga Ai 

Covid 19 ngu ai Coronavirus ana zinla byin kap ai ni hpe tsi gawn lajang lam galaw nga ai tsi Sarawun Sarama ni, bai ndai zinli hpe manga kau lu hkra ladat shaw n gun dat shakut shaja lam galaw nga ai ni yawng hpe kraw masin kaw nna ja ja chyeju dum nga ai, nga nna Wa Sarabyin Francis tsun dat nga ai.

 March shata 11, Bat masum  ya shani Wa Sarabyin a hkaw seng laika dum kaw nna shawa masha yawng hpe tsun shaga ai sumla hkrung Mungga hta ya na zawn tsun dat ai lam rai nga ai.

Ana zinli chyam bra wa lam hpe hting hkang da lu na matu, Bat masum ya shani shagu San Peter pa kaba hta shawa hpawng hpe ta tut hkrum Mungga jaw ai lam hpe jahkring da nna, ya na zawn nsen mu na kaw nna Wa Sarabyin Mungga shaga ai lam rai nga ai.

Wa Sarabyin tsun ai hta, “Ana zinli byin kap nna machyi hkrum, nchyi nmu hkrum nga ai ni, zinli mang hkang  a majaw ung ang myitru hkrum nga ni yawng a matu ja ja akyu hpyi ya nga nngai ngu nna tsun shana dat mayu ai, ana zinla byin kap ai ni hpe tsi gawn lajang lam galaw ya nga ai hkamja dap kaw na tsi sarawun sarama ni, gawn lajang lam amyu myu galaw ya nga ai ni, bai ndai zinli hpe manga kau lu hkra ladat shaw n gun dat shakut shaja lam galaw nga ai ni yawng hpe kraw masin kata kaw nna ja ja chyeju dum nga nngai, machyi makaw hkrum nga ai ni a matu akyu hpyi garum ya nga ai ni yawng hpe mung chyeju dum ai, yawng hpe myit masin kraw lawang kaw nna ja ja chyeju dum nga nngai, ndai ana zinli a majaw myit ru nchyi nmu byin hkram nga ga ai raitim Greece hte Turkey Mungdan jarit mayan jamjau hkrum nga ai Syria Mungdan tsinyam hkrum masha ni hpe mung n malap kau nga ga”

nga nna Wa Sarabyin tsun dat nga ai.

Lai wa sai bat lahkawng ya, March shata 10 ya shani du hkra na jahpan hta, ndai ana zinli byin kap hkrum ai masha jahpan Mungkan ting rai yang 120,000 jan rai nga sai hte, si hkrum ai masha marai 4,300 jan rai sai. Masha marai 6,700 daram gaw ana byin kap hkrum ai kaw na tsi gawn lajang hkam la majaw bai mai hkam kaja wa masai. Mungkan Mungdan law law kaw nna tsin Sarawun kaba ni hku nna mung makawp maga tsi htuk shapraw lu hkra n gun dat shakut ding yang galaw nga ma ai, nga nna Vatican shiga dap kaw nna shana dat nga ai.      

Source : Vatican News

Add new comment

2 + 14 =

Please wait while the page is loading

Coronavirous Hpe Manga Kau Lu Hkra N Gun Dat Shakut Nga Ai Ni Yawng Hpe Chyeju Dum Nga Ai Lam Wa Sarabyin Tsun | Radio Veritas Asia

Error

The website encountered an unexpected error. Please try again later.