Azim Sha N nga Ga, Galoi Mung Shakut Dingyang Rai Nga Ga Nga Nna Wa Sarabyin Tsun Lai Wa Ai Shiga

“Azim sha n nga ga, galoi mung shakut dingyang rai nga ga” (Be restless,take risks)

Wa Sarabyin Francis kawn Toniolo Young Professional Association kawn galaw ai lamang hta Ramma ni hpe “prat” ngu ai gaw “ galoi mung galaw shakut dingyang rai ra ai, dai hpe hparan na matu n re” ngu ai lam hpe tsun lai wa ai.

“Azim sha n nga na galoi mung shakut taw nga ai a marang e na a mau hpa atsam ni mung yawm wa na n re” ngu ai hpaji jaw ga hpe Wa Sarabyin kawn Lai wa sai Bat Manga ya jahpawt Toniolo Young Professional Association ni kaw na woi awn galaw ai lamang hta tsun shadum lai wa ai.

Wa Sarabyin kawn United Nation hte Holy See hta shang lawm ap nawng karum ya taw ai
Italian organization ni hpe mung chyeju dum ai lam tsun lai wa ai.
Wa Sarabyin Francis kawn gadun dawk gasi (pensiero breve) ngu ai (short thought) ningmu kadun hte seng nna sadi tsun shadum ga hpe hpaw hpang tsun lai wa ai. Short thought ngu ai gaw “ anhte ni a shawng lam hpa byin wa na hte moi de hpa ni byin lai
wa ai hpe n yu ai sha kaji kajaw sha shajin la nna lawan ai hku galaw dat chye ai”myit hpe tsun ai lam rai nga ai.

Wa Sarabyin kawn “ hparan na law la ai prat hte Mungkan hpe gwi gwi man hkrum ning
hkap u” ngu ai lam hpe madung da nna tsun ai hta ndai short thought ngu ai gaw masha ni aung dang nna galu kaba nga ai lam hpe sha yu nga na malai anhte yawng a n mu lu shi ai du wa na pandung hta lu sut lu su wa na akyu hpe ta tut hkrang shapraw ai lam hpe (lead) galaw ya nga ai lam hpe tsun shadum lai wa ai.

Wa Sarabyin kawn “short thought” hpe ning hkap na lam hte seng nna ladat masum rai nga ai ....nhkring nsa shakut ai, yak ai lam hkrum ting gwi gwi galaw daw dang ai, hte nmai byin nan re ai lam hpe galaw ai “ restlessness,risk and amazement” ngu ai hpe tsun shadum lai wa ai.

Wa Sarabyin Francis kawn Ramma ni hpe “myit shingran yu ga ai kun” “na a masin salum hte myit ai lam ni nhkring nsa shamu nga ai kun” “ nang hkum nan n hkring nsa shakut nga ai kun? hkring mat sai kun?” ga san san lai wa ai. Bai nna “restless dreaming”hpe hkum malap u nga nna tsun Lai wa ai..

Wa Sarabyin kawn sha ramma ni hpe “risk” galaw na matu hkum hkrit mu “chyeju hte risk
hpe galaw u nanhte n galaw yang gadai ni galaw na rai” ngu ai hpe aja wa tsun shadum lai wa ai.

Hpang jahtum hku nna “short thought” hpe shanyem ya ai gaw “astonishment” ngu ai mau hpa lam re ai hpe (recommend) jaw tsun lai wa ai. “na hkum nang myit ru u” “ngai hta mau hpa galaw na atsam n nga sai kun?” “ramma langai mi hta mau hpa galaw na atsam n nga sai shing nrai hkring mat sai nga yang dai ramma gaw (retired) byin mat sai lam hpe tsun shadum lai wa ai.

Prat ngu ai gaw sak jaw ap nawng na matu rai nga ai. Wa Sarabyin kawn Prat ngu ai gaw hparan na matu n re , sak jaw ap nawng na matu re ai lam hpe
madung da tsun lai wa ai.
“Tinang hpe tam na lam galoi mung nga ai, masin salum kaw na kyu hpyi ya ai, tinang hpe
she gari hkra san jep hkrum ai, masha hpe jaw na matu laika pa langai lajang ai, tinang a
shingran hpe ta tut hkrang shapraw ai,bai nhtang jaw na nmai byin ai ni a matu tsawra myit
madun ai ndai lam ni yawng gaw Karai Kasang anhte a mungkan ga hta manu jahpu n jaw ra
ai sha (gratuitous) lajang da ya ai lam rai nga ai,” dai gaw nang hpe “ngai galaw yang she
ngai lu na, ngai tam yang she lu na” ngu ai shingra tara kaw n rawng nga na matu shadum da
ai lam re ai hpe tsun shadum lai wa ai.”