Shiga

Dai Tingyang Hta Dung Nga Ai Wa Tsun Ai Gaw, " Yu U, Arai Yawng Mayawng Hpe Ngai Ningnan Bai Gaw Da Nngai." ( Shingran Laika 21 :5 ) ngu ai ga baw hte

Tarahkaw Sara/Num ni a ( 4 ) lang ngu na ningja jat dabang hpe, Myitkyina St. Luke's College jawng wang hta, Saradaw Sasan ( 3 ) hta nga ai Tarahkaw Sara/Num ni hpe March, 18-29, 2023 du hkra

1.Role And Responsibilities Of The Catechists And Their Vocation

( Shaga La Hkrum Ai Tarahkaw Sara/Num Ni a Hkansa Tara Hte Lit Magam )

2.Understanding Eucharist Through Scripture

( Chyum Mungga Matsun Hte Missa Hkungga Nawku Dawjau Lam )

3.Pastoral Ministry

( Sagu Rem Sasana Magam )

4.Servant Leadership

( Daw Jau Ai Ningbaw Ningla )

5.Synodality In The Church

( Rau Jawm Hpawm Hkawm Sa Ai Nawku Hpung )

6.Sacrament Of Marriage

( Num Hkungran Sakramentu Chyeju -Kumla ) ngu ai sharin ga baw ni hte sharin ya nga ai lam chye lu ga ai.

Ndai sharin dabang hta, Lashio Saradaw Sasana na Tarahkaw Sara/Num Marai - 7

Manmaw Saradaw Sasana na Tarahkaw Sara/Num Marai -9

Myitkyina Saradaw Sasan na Tarahkaw Sara/Num Marai -27, Yawng rai yang marai -43 tup sharin hkam la ai lam hpe mu lu ga ai..

Ya na zawn hpaw ai lam gaw, Tarahkaw Sara/Num ni myit masin wenyi n-gun ban la lu na hte, Nawku Hpung sharin shaga ai lam ni hpe grau chye chyang wa lu na matu yaw shada let hpaw ai re lam chye lu ga ai.

#LocalNews

#RVA_Kachin

Daini ndai kaw  ta tut wa shang lawm let rau hkrum jahta yu ai ten hta e anhte mi na hkam la taw ai, mu mada taw ai lam ni hta grau nna tang du mat wa ai hte grau nna hkawn hkrang lu ai lam rai nga ai.

Shatapru Jau Ginwang Shingni Hpung kaw na lit la woi awn let galaw sa ai Masat (1) lang na Ginhtawng Music Dabang hpe,

(6-18, March 2023) du hkra Shatapru St. Patrick Gawknu hta, Sara Gaiwang 6 hta Shanu nga ai Asak (15) Ning lahta na Ramma marai (47) tup sharin hkam la nga ma ai.

Ndai dabang hta (Music Theory & Vocal) sharin hpan lahkawng sha madung da sharin ya nga ai lam chye lu ai.

Ya na zawn Ramma ni hpe sharin ya ai lam gaw Music hpaji lam hta grau nna chyechyang wa lu na matu hte Nawku daw jau lamang hta ladat jaw jaw shanglawm shakawn lu na matu yaw shada let galaw sa wa ai lam hpe chye lu ai.

Wa Sarabin A, March Shata Akyu Hpyi Yaw Shada Lam: Shoi maroi, Kinsha Lasha Hkrum Ai Ni A Matu Akyu Hpyi Ga

March 2, bat mali ya shani, Wa Sarabyin Francis a akyu hpyi yaw shada lam hpe Vatican Shiga Dap kaw nna ndau shana da ma ai. "Kinsha lasha shoi maroi hkrum ai ni a matu akyu hpyi ya ga" nga nna Wa Sarabyin Saw shaga da ai.