Shiga

Hka Panglai hta Masha Law Law Asak Hkrat Sum Mat Sai Mabyin A Majaw Wa sarabyin, Grai Myit Yawn Gawng Run Nga Ai lam

Wa Sarabyin Francis gaw “ Hka Panglai hta masha law law asak hkrat sum mat wa sai mabyin hte seng nna grai myit yawn, myit n pyaw ai lam hpe Greece kaw nga ai “Apostolic Nuncio” hpang de “Telegram” hku nna shiga jaw laika langai sa dat ai.

Wa Sarabyin Francis Gemelli Tsi Rung a masa lam hpe sa du gawan ai lam hpe Wa Sarabyin lai wa sai bat lahkawng praw kyu ya shani Gemelli Tsi Rung de sa du let shani kaang ndu shi yang Vatican de bai nhtang wa ai lam chye lu ai. Wa Sarabyin Bat Lahkawng ya shani Gemelli University Policlinic de sa du hkawm lai wa sai, rai tim ndai kalang sa du ai lam gaw lai wa sai Shata Lahkawng ten hta shi Tsi rung kaw nga ai hte nbung ai sha, lawan ai hku sa du gawan mat ai lam chye lu ai.

Tanghpre Jau Ginwang Hta, Wa Jau Stephen Supma Sut Awng Hpe Chyeju Dum Shakram Ai Hte Ginwang Up Jau Nnan Wa Jau Paul Wanghte Lum Dau Hpe Hkalum La Ai Lamang Hpe

15 May, 2023 ( Bat 1 Ya ) Jahpawt 10:00 Am Aten Sumsing Lamu a Hkawhkam Jan Nawku Jawng Wang, Hkamja Lam a Nu Maria Lungpu Hta e, Msgr. Dr.Peter Hka Awng Tu Woi Awn Let, Wajau Ni Marai ( 5 ), Mama Ni, Nawku Hpung Masha Kaji Kaba Ni Shang Lawm Let Missa Hkungga Nawng La Ngut Ai Hpang Ginwang Up Lahpa Galai Ya Ai Lamang Hpe Matut Manoi Galaw La Lu Sai Rai Nga Ai.

Ndai Tanghpre Jau Ginwang Kata Hta, Sara Gaiwang – 4 Nga Ai Rai Nna, Hpung Htinggaw – 746 Nga Ai Hta, Hpung Masha Kaji Kaba Yawng Rai Yang, - 4313 Nga Ai Re Lam Mung Chye Lu Ga Ai.

Wa Jau Stephen Supma Sut Awng Gaw Tang Hpre Jau Ginwang Hta, Lai Wa Sai 2015 – 2023 Du Hkra Ginwang Up Jau  Lit Magam Hpe ( 8 ) Ning Jan Daram Ap Nawng Gun Hpai Lai Wa Ai  Wa Jau Mung Rai Nga Ai Hte Nawku Hpung Masha Ni Yawng, Nja Nhpra Let, Shakawn Chyeju Dum Dat Nga Ma Ai Hpe Mung Mu Lu Ga Ai.

Ya Dai Ning 2023 -2028 Du Hkra Lahpa Galai  Magam Gun Hpai Sa Wa Sana Wa Jau Paul Wanghte Lum Dau Mung  Lai Wa Sai 1990- 2003 Du Hkra, Wai Maw Jau Ginwang Hta ( 13 ) Ning Daram Ginwang Up Jau Lit Magam Hpe Gun Hpai Lai Wa Nna, 2005 -2009 Hta Gaw, Maigan Mungdan De, Chyum Laika Hte Seng Ai Karai Hpaji Ni Hpe Matut Sharin Hkam La Ai Hpang, Myitkyina Sasana Saradaw Rung Hta, Bawngring Magam Dap, Gawgap Magam Bungli Ni Hta Shakut Ap Nawng Lai Wa Yu Sai Wajau Kaba Mung Rai Nga Ai.

Ya Tanghpre Jau Ginwang Hta Ginwang Up Jau Lit Magam Hpe Hkap La Shatsam Hkrum Ai Lam Gaw, Shaning ( 20 ) Ning Na Ai Hpang, Lahkawng Lang Numdaw Ngu Na Ginwang Up Jau Lit Magam Hpe, Gun Hpai Sa Wa Na Re Majaw, Jau Nnan Tai Ai Shaloi Na Hkam Sha Lam Zawn Hkam Sha Nga Nngai, Matut Nna, Tanghpre Jau Ginwang Rawt Jat Galu Kaba Wa Na Sasana Lam Hta, Hpung Masha Ni Yawng Hte, Myit Hkrum Myitra Let, Shakut Sa Mat Wa Na Lam Wajau Kaw Na Lit Magam Hkap La Ai Lamang Hta Hpaw Tsun Lai Wa Ai Re.

#localnews

#rvakachinservice

Brother Sang Gan La hte Paska Poi Lamang

- (09 April 2023) ya jahpawt hkying (10:00)AM ten hta Tanghpre Jau Ginwang, Tanghpre Mare na Sumsing Lamu A Hkawm Hkam Jan Nu Maria, Nawku Jawng wang hta Brother ni Marai (3) Sang Gan La ai hte Madu Yesu Hkrung Rawt wa ai Paska Poi Misa Hkungga hpe galaw la lu saga ai.