Pranwan Ladaw ( XV ) A, 2023

Mahte 13:3 hta nli gat ai wa gaw nli gat na pru sa wa ai. .nga nna tsun da nga ai.

 .Hkristu hta tsawra hkungga ai nu wa hpu nau ni ndai laban gaw Pranwan Ladaw ( XV ) ngu na laban rai nga ai. .

 Daini na kabu gara shiga hta nli tum a, ga shadawn gaw, Madu Yesu hkaw tsun ai ga shadawn ni hta na ahkyak dik lam langai rai nga ai . Sharin achyin ya ai ginlam grai law hkra lawm ai, ga shadawn ni hta na, Kasha Karai Kasang shinggyim hkumhkrang hpe sa dagraw hkam la ai lam a mungsung lam hpe shadan shaleng dan ai kabu gara shiga hpe hkaw tsun ai ndai lam ni shang lawm nga ai majaw mung rai nga ai. Ndai nli tum a ga shadawn gaw Madu Yesu hkum nan asan sha lachyum shaleng dan ai hte maren nli gat ai wa gaw Kawa Karai Kasang nan rai nga ai hpe mu chye shangun nga ai .

Jachyum mungga na Nli tum ngu ai gaw mungga ngu ai madu yesu a kabu gara shiga hpe tsun ai rai nga ai. Nli tum hkrat ai lamu ga gaw karai kasang a mungga hpe hkap madat hkam la nga ai masha ni a myit masa amyu myu hpe tsun mayu ai rai nga ai. Madu yesu tsun shaleng dan ai lam hta nli tum hkrak ai shara ni gaw Lam ntsa .. Lung Rawk ntsa ...Ju sum wum hte Gasau kaja ntsa ngu ai ndai ga hpan ni hta rai nga ai. . ndai ga hpan ni a lachyum hpe Wa Jau hte rau sha myit sumru yu nga ga. Mahte 13:4 nkau mi gaw lam makau kaw hkrat nna U ni dai hpe hta sha kau mu ai. .nga nna mu lu ai "Mungdan lam hte seng ai mungga hpe na la nna n chye na n hkap la sa i nga yang n kaja ai wa ngu ai nat tsa dan gaw sa nna shi a salum hta gat da ya sai mungga kaja nli tum ngu ai hpe shaw la chye nga ai. Dai wa gaw lam ntsa e gat kau hkum ai nli tum rai nga ai.

" Hkristan hpung masha nkau mi gaw karai kasang a mungga hpe myit masin hta nchye hkap la ai sha n-ga mungga hpe ahkyak n shatai ai sha n- ga jahpoi jahprak ai hte madat la chye ma ai. Ndai mabyin hte bung ai saduke ni mung Karai Kasang shangut dat ai myi htoi kaba ni hte karai kasang a kasha hkum nan sa du nna hkaw tsun ai hpe pi n nadat lai wa ma ai re Baw ja myit ja hte mara kap ai masha ni gaw tinang na la sai karai a mungga hpe tinang a myit masin hta n kyem da ai sha n ga. . kyang galai shai nna chyoi pra san seng lam de n du wa ai. .bai nat tsa dan gaw hkyehkrang la ai lam hpe n hkam la lu na matu anhte a makau grupyin hta galoi mung gawoi gayin nga let masha ni a myit hpe gaunglau shaja ya nna karai a mungga hpe shaw kabai kau ya chye nga ai.

Anhte gaw nat tsa dan a agung alau hpe n hkrum na matu karai kasang a mungga hpe kam sham ai myit kaba hte madat hkam la nna tara lam ni hpe chye na hkawn hkrang lu na matu ra kadawn nga ai chyeju n -gun atsam ni hpe Madu Yesu kaw hpyi nga ga. Mahte 13:5.20 hta nkau mi gaw lung rawk hta hkrat nna ga nhtat ai majaw ya jang tu pru wa tim jan pru kahtet jang hkraw mat wa ai. .ngu nna mu lu ai. . Nlung lung rawk hta hkrat hkrup ai nli tum gaw hpa hte bung a ta nga yang Karai a mungga hpe na la nna kabu gara ai myit hte kalang lata hkap la lu tim ru n jung lu ai nli tum hte bung ai re majaw jahkring mi sha Karai a mungga hte nga sa lu tim zingri zingret lam ni agung alau ni du pru wa ai ten rung tsang hkrum wa ai ten ni hta kalang lata myit daw chye ai masha ni hte bung nga ai. Ndai zawn re ai masha ni gaw nsam sha nga nna akri n rawng ai hpun hte bung ai masha ni rai nga ai. Dai zawn re ai masha ni gaw karai kasang a mungga hpe kabu gara ai hte hkam la chye nga ma ai re. . Tsun mayu ai hta kyang lailen hpe nnan galai shai wa ai ten hta grai kaja sai myit malai sai nga nna myit dating let ga sadi ni jaw ai. Bai matut .galaw sa wa lam na mahkra gaw karai kasang a matu sha galaw sa sana zawn rai nna kaja wa ta tut hta gaw bai n mu mada lu ai masha ni hpe tsun mayu ai rai nga ai.

Jinghpaw ga malai nga hte maren chyahkyi sau sau ai lam sha rai nga ai. Dai majaw Ru atsawm n jung nli hpan masha gaw makam masham hte tsawra ai lam hta ngang kang ai lam n ngai ai masha ni rai nga ai. Nli tum gaw prut pru wa let hpun tai wa nna asi si ya let ga hta gat jahkrat ai zawn wenyi hta apu asi si wa lu na matu anhte mung karai kasang a mungga hpe anhte a na hte madat hkam la nhtawm myit masin hta atsawm sha matsing zumhting da nga ga. 13:6.22 hta nkau mi gaw ju hpun nhoang e hkrat nna ju hpun ni tu kaba wa ai hte dai hpe lim kau mu ai. . Ju sumwum hta hkrat ai nli tum hpan gaw Karai a mungga hpe hkap madat la tim ndai dinghta mungkan lam hta myitru tsangpu ai hte ja gum hpraw sut gan ni agung lau lam ni a marang e karai a mungga hpe ntsa lam sha hkam la nna n gawn n sawn rai manu n shadan ai a majaw asi n si ai hpun hte bung mat nga ai.

Ju sumwum ngu ai gaw mungkan sut gan lam ni hpe ra marin ai a majaw karai kasang hta n jung n noi lu nga ai masha ni hpe tsun mayu ai mung rai nga ai. Dai majaw mung myit hpe uang ang shangun ai mungkan lam ni hte mungkan sut gan ni gaw ju sumwum ngu ai hte shabung da ai rai nga ai. Kaja wa teng teng ra marin ai.. myitru tsang pu ai .myit n zim ai .manawn masham ai ndai lam ni gaw mungkan ga hte seng ai n hprang sut gan ni kaw na paw pru wa nna ju sumwum zawn re masha a myit hpe ahtu shadawk ya nga ai mung rai nga ai. Mahte 13:8.23 hta nkau mi gaw kaja ai ga hta hkrat nna asi si wa ai. Nkau mi gaw dang latsa n kau mi gaw kru shi nkau mi gaw sumshi si mayat wa ma ai. nga nna tsun da ai hpe mu lu nga ai. Yawhan7:17 hta dai wa a myit hkan mayu ai rai yang gaw shrin shaga ai ga ndai karai kasang jaw na re ai shing n rai nye a myit hte tsun nga ai ga re ai hpe chye ginhka lu na wu ai. Ndai mungga hpe la kap nna chyoi pra ai Nu Maria Karai a Kanu hta mung mu lu nga ai.

Dai gaw shi hkum nan nli kaja ngu na mungga hpe kaja wa hkap la nna ya du hkra asi law law hpe jaw ya nga ai. .yawhan 15:4 hta Tsabyi lakung gaw tsabyi ru madung hta n jung n noi yang gaw shi chyu asi n si lu ai zawn nanhte mung ngai hta n jung n noi myit yang gaw asi n si lu na myit dai. ndai da ai ga mung jaw nga nga ai. Lamu kaja ngu ai ngu ai shaloi makau grup yin ni hta mu lu nga ai nkau mi gaw lamu kaja ngu ai hpe madun dan ai hta kabu gara ai myit hte Karai a mungga ni hpe hkap hkam madat la nna tatut hta bai hkaw tsun sak se hkam ai myit masin san seng ai si mani ai shagrit shanem ai alum ala hkap pang hka lum la chye ai garum Shing tau ya ai ndai lam ni rai nga ai. .dai majaw anhte mung kaja ai lamu ga hte bung ai anhte a ding hpring dingman ai myit masin hte karai a mungga hpe madat hkam la nna myit dun ai myit galu ai hte asi htam latsa si lu hkra shakut shaja nga ai hpung masha ni tai nga ga law.

Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw Pranwan Ladaw hta j( XV ) ngu na lanban rai nga ai hti ang ai ja chyum mungga ni gaw

Chyum Mungga Daw ( I ) Esaia laika 55:10-11

Chyum Mungga Daw ( II ) Roma hpung masha ni hpang san paulu shagun dat ai laika 8:18-23

Kabu Gara Shiga -Mahte 13:1-23

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law