Social Media Covid Ana Chyawm Gaw Ya Kaba Wa Nga Ai Anhte A Kashu Kasha Ni A Myit Arawn Alai Hpe Jahten Kau Ya Lu Nga Ai

Myanmar mungdan gaw shada da akyu jaw hkat chye ai masha ni shanu nga ai shara,shada dawjau hkat chye ai,pawnba hkat chye ai tsawm htap ai lai htung masa ni nga ai  shara  ngu nna masha ni mu mada ai mungdan rai nga ga ai rai tim ya gaw internet lam yan ntsa na matsat shabat re ai lam ni a majaw tsawm htap ai lai htung masa myit masa ni hten run nga sai rai nga ai.Ya kaba wa ai ma ni hku nna shanhte mu la ai lam ni gaw nju ndawng tsun ahpyak hkat lam ni,shada aroi ara nga ai lam ni,nse nsa re ai lam ni,n kaja ai myit masa chyu mu mada ai myit lai masa ni rawt jat wa hkra shalut ya ai lam ni hpe sha rai nga ai.

Ndai zawn n jaw ai lam ni hpe chyu shabra nna masha ni a myit masin hpe jahten kau ya ai lam gaw Social Media Covid ana zinli nan rai nga ai.Shinggan de byin nga ai Covid ana chyawm gaw tsi mawan ni htuk shapraw lu wa yang mat hkoi mat wa lu na re.Rai timung ndai internet lam yan ntsa na Social Media Covid ana chyawm gaw ya kaba wa nga ai anhte a kashu kasha ni,ma ni a myit arawn alai hpe jahten kau ya lu nga ai.