Yung Padi Si Hta Na Lu La Mai Ai Hkamja Lam Akyu ( Health Care )

Yung Padi Si or Gumbaw si hta na lu la mai ai hkamja lam akyu ni 

 (1) yung padi si hta pectin ngu ai  amyin dat law rawng ai hte  ma nen ai magep naw ni rawng ai a majaw shat kan kata na lusha rin shamyit kaja nna kan sa man shangun lu ai. Dai majaw yung padi si gaw shingra e jaw ai kan sa man tsi lusha langai rai nga ai.

2)Yung padi si hta na Eugenol ngu ai  dat  gaw pu kata na jumdwi dat chyup marawp la ai hpe gawn hkang da ya nna sai kata jumdwi dat grai law rawt jat wa ai hpe shingla makawp maga ya ai.

(3).Yung padi si hta lawm ai folic dat hte lusha n’gun dat ni gaw ma hkum re ai kanu ni a matu sha ya na htpa htuk nga ai.

(4) yung padi si hta lawm ai calcium,vitamin K the folic dat ni a majaw nra ni a numhkak hpe sharawt ya lu nna nra ni hpe ngang kang shangun lu ai hte nra bawm ana kaw na shing dang makawp maga ya lu ai

.(5)  Yung padi hpun hta na pu hte lap ni hpe di shadu nna lu ya ai rai yang nsa sa lam hta bum ai,sin wawp bum ai ana the katsi lawt waw shang ai ana ni hpe mai tsai hkyamsa shangun lu ai nga nna mung ding tsi sara ni matsun da nga ai.

6) Punu kaba cancer ana byin lu ai kaw na shayawm kau ya lu ai.

( 7 ) Yung padi si hta na pectin dat gaw hkum hkrang kata na n kaja ai sau ni hpe shayawm jahkrat kau ya lu nna sai lam ja gumdin taw ai,sai kata sau ni pat majaw rawng taw ai lam nbyin hkra garum ya lu nna salum ana byin lu shadang kaw na mung shayawm jahkrat kau ya lu ai atsam yung padi si hta lu la mai nga ai

8) yung padi si hta lawm ai beta carotene,lutein,xanthein dat ni gaw myi n’gun hpe kaja shangun lu nna myi mut kap ai,myi htau byin ai ana ni kaw nna mung makawp maga ya lu ai.

(9)yung padi si hta lawm ai iron dat , folic acid hte vitamin K ni gaw haemoglobin byin pru wa ai hta garum ya lu ai.Heamoglobin ngu ai gaw sai hkyeng di hta lawm ai oxygen ginrawn ya ai rai, rai nga ai.Dai majaw sai hkyeng di htuk shapraw ai hpe sharawt ya nna sai n’gun yawm ai ana byin lu ai kaw na makawp maga ya lu ai atsam yung padi si hta na lu la mai nga ai.

( 10)Yung Padi si  gaw hka dat mung grai law rawng ai re majaw hka nau nlu ai masha ni a matu pyi yung padi si sha ya ai hte hka dat hpe lu la shangun lu nga ai.Dai majaw ya na zawn re ai kashung ta ten hta katsi kashung ai majaw hka nau nlu byin ai duhkra ladaw aten hta sha ya na grai htap htuk la nga ai.

Rai tim yung padi si hta Oxalate ngu ai htingnye htin rawng chye ai dat mung rawng ai majaw sinde hta nlung rawng ai hpe n’gun jaw ai nga nna tsun da ai hpe mu lu nga ai.

Lamang tang madun ai - Julia Ndawng Ja Ing