Udi,Hkai Pyek Di Hta Na Lu La Mai Ai Hkamja Lam Akyu Ni

 Udi,Hkai Pyek Di ni hpe e masha nkau mi gaw,hkamja lam a matu nhkrak ai,udi sha yang sai kata n kaja ai sau,cholesterol law shangun ai nga nna sha na loi tsang ai masha ni nga ma ai re.Kaja wa nga yang,udi,hkai pyek di ni hpe grai law hkra,ladu lai nsha ai sha,shadawn sharam rai sha ya taw ai rai yang hkum hkrang hkamja lam akyu law law hpe jaw ya lu nga ai.

Kaning re ai hkamja lam akyu ni lu la mai a ta nga yang myi hkamja lam a matu kaja nga ai – hpa majaw nga yang udi,hkai pyek di ni hta lutine hte zeaxanthine zawn re ai protein dat ni grai law rawng nga ai majaw asak kaba wa ai aten byin chye ai myi mut kap,myit htau byin ai lam hpe shayawm kau ya lu ai.

Salum sai lam masa hpe hkamja shangun ai – lani mi hta udi,shing nrai hkai pyek di langai ngai sha ya ai hte salum ana hte seng ai sarawun hte tsan gang na re nga nna tsun tawn da nga ma ai.Hpa majaw tsun ai kun nga yang lani mi udi,shing nrai hkai pyek di langai ngai dingrun sha ya ai rai yang sai pa gye ai lam,salum ana hta ai hte hkum chyen si ana ni byin wa lu ai hpe shayawm kau ya lu nga ai.

Bawnu magam bungli galaw ai hpe kaja shangun ai –udi,hkai pyek di ni hta vitamin becoline dat rawng ai majaw di hpan amyu myu gaw bawnu a matu lu sha re nga nna tsun nga ma ai.Hpa majaw nga yang nerve lasa ni a magam bungli galaw ai hte bawng ring wa na hpe n-gun shabyin ya lu ai.Coline dat gaw ma hkum byin ai kanu num ni hta mung hkri tung na ma a bawnu bawng ring lu na matu  n nga nmai ra ahkyak ai dat rai nga ai.

Sinda shan cancer ana nbyin hkra makawp maga ya lu ai – Udi,hkai pyek di ni sha ya ai gaw sinda shan cancer byin wa shangun lu na masa hpe shayawm kau ya lu ai lam sawk sagawn da lu nga ma ai.Bat mi hta udi shing nrai hkai pyek di lahkawng dang dingrun sha ya nga ai ni gaw sinda shan cancer ana byin lu masa kaw na grai shayawm kau ya lu ai nga nna sawk sagawn maram da lu ai hpe hpaw tsun da nga ma ai re.

Kara,lamyin hte shan nsam hpe hkamja shangun ai – udi,hkai pyek di ni hta sulfur rawng ai majaw sin a magam bungli ni hpe kaja shangun ai,vitamin B chyup n-gun kaja shangun ai atsam ni hpe lu la shangun nga ai.Sulfur gaw collagen hte Keratin htuk shapraw kaja ai majaw shan,hpyi ni hpe tsawm htap shangun lu ai,lamyin ni hpe hkamja shangun ai hte kara hpe tsawm htap kaja shangun lu ai atsam ni jaw ya lu nga ai.

Lasa shan tawng hpe bawng ring shangun ai – udi,hkai pyek di ni hta rawng ai protein dat a majaw lasa shan tawng gaw shachyaw ai hpe n-gun shabyin ya lu ai hkamja lam akyu ni udi,hkai pyek sha ya nna hkam la lu mai na ga ai law.