Shaning Ningnan Mungga. ( 01.01.2019)

Wa Saradaw Paul Zinghtung Grawng A Shaning Ningnan shakram mungga.

Shaning Ningnan poi hpe lani mi sha galaw ai rai tim shani shagu gaw shani nnan,asak nnan lu la nga ai majaw Karai Kasang hpe chyeju dum mai nga ai. 2019 ning hta shani shagu ga ngwi ga pyaw shaga ga.Dai zawn ga ngwi ga pyaw shaga ai kun dinghku hta ngwi pyaw simsa lam nga na re. Shaning ningnan shani hpe Catholic nawku hpung kaw nna mungkan simsa lam hte Nu Maria a poi hpe galaw ai shani rai nga ai.Ndai shani gaw kanu num ni hpe shagrau sha-a ai shani mung rai nga ai.Kanu num ni gaw shani shagu jahpawt kaw na ,shana du hkra mayam bungli galaw nga ma ai.Rai tim shanhte hpe mayam hku nmai mu mada ai.