Shakau Lap A Hkamja Lam Akyu ( Health Care )

Shakau Lap

Shakau Lap Hte Hkamja Lam

 

Mungkan ntsa hta anhte shinggyim masha ni a matu shingra e nan chyalu hkrawn rai  jaw ya taw ai malu masha ni hpan hkum sumhpa nga nga ai.Dai hta na ndai shakau lap mung mungkan mungdan shagu na masha ni sung sha taw nga ai malu masha ni hta na ahkyak ai hku shara la taw nga ai manu dan ai shakau shaban langai rai nga ai.Rai yang anhte dai daram sung sha lang taw ai shakau lap gaw hkam kaja lam a matu kaning re ai akyu ni hkam la lu mai ai re kun ngu ai hpe hkaja yu ga ai shaloi , Shakau lap gaw hkum hkrang hkam kaja lam hpe mung grai akyu jaw garum ya lu ai malu masha kaja shakau shaban langai rai nga ai.Miwa mungding tsi mawan ni hta mung shakau lap hpe grai dam lada ai hku sung lang taw nga ma ai hpe mu mada lu ai.Shakau lap gaw shakau hkyeng zanw sha sulphur dat madang tsaw ai hku rawng ai,bai vitaminA,vitaminB2,vitamin K,thiamine,phosphorus,magnesium,potassium hte manganese dat ni hkawm chyawm shara ningpawt madung mung rai nga ai.

Shakau lap sha ya ai a marang e  lu la mai ai hkamja lam akyu ara ni gaw  (1)cholesterol hpe shayawm jahkrat ya lu ai,sai dip n gun hpe shayawm jahkrat ya lu ai,sai pa gumdin rawng ai mang hkang kaw na makawp maga ya lu ai hte salum sai lam hte seng ai ana ni hpe hkyamsa mai tsai shangun ya lu ai.

(2) katsi lawt ai majaw nyep san kapya,ladi pat,jahkru ai,du hkra ladaw a majaw katsi kahtet machyi ai lam ni hpe ning hkap shing dang ya lu ai atsam rawng ai hte hkum hkrang hkam jan atsam hpe shabyin ya lu nga ai.Dai majaw ndai shakau lap gaw yu dat yang hpa nre ai zawn rai tim anhte a hkum hkrang hkamaja lam hpe grai nan akyu jaw garum ya lu nga ai re.

3)shakau lap dingrun sha ya taw ai rai yang pu dung cancer ana,pu jat cancer ana,sinda shan cancer ana,n gup cancer ana ni hte cancer cell ni, cancer shan gumdin ni kaba chyambra jat ai kaw na ninghkap shing dang makawp maga ya lu ai.(4)Lami laman bum machyi ana hpe hkyamsa mai tsai shangun lu ai.

(5)Shakau lap gaw hkum hkrang kata na jumdwi dat hte glocouse hpe ra ang ai madang hta hkan nna  rap shara ya lu ai rai nna jit dwi ana lu ai masha ni hpe grai akyu jaw garum ya lu nga ai.(6)malu masha rin shakrai ai magam hpe kaja shangun ai.(7)Hkum hkrang kata sai shamu shamawt hkawm sa ai hta kaja shangun ai.(8)Shakau lap hta shang lawm rawng ai sau myu mi a majaw salat hpaw shangun ai hte cholesterol shayawm jahkrat ya lu ai.

9)N gup mu shangun ai,bai kan mase,kan sa law ai kaw na makawp maga ya lu ai(10)Yu hkraw machyi ana a matu shakau lap hpe ahpa hpa rai mawt la nna shanam,jum loi mi bang rai sumpan ahpa re ai bang gayau nna  wan a kahtet re ai hta kakang la u,dai wan kakang da ai sumpan majaw hte du grup grup  yin hkan kaba ya ai shaloi yu hkraw machyi ai hpe mai tsai shangun lu ai.

(11)Lagaw bum machyi ai masha ni a matu shakau lap hpe hka loi mi hta shadu kaprau la nna bum ai shara hkan kaba ya ai hte mai tsai shangun lu ai.

(12)Ladi sai gayun ai rai yang shakau lap htu shup la lu ai ntsin hpe pasi ri sumpan hte a htawk la nna ladi hku hta ka-up shakap ya ai shaloi ladi sai gayun ai hpe ngap mat shangun lu ai.

 

 

Add new comment

10 + 4 =