Nai Lap Mung Sha Mai Ai Lu Sha Re

Nai lap hta oxalate rawng ai majaw atsawm chye shadu sha ra ai raitim hkum hkrang hpe akyu jaw ai dat ni rai nga ai protein, carbohydrate dat, sau dat, mawm dat,vitamin C, vitamin A, potassium, folic, calcium, hpri dat, magnesium, phosphate, omega 3 fatty acid, omega 6 fatty acid, vitamin B1 rai nga ai Thiamin, vitamin B2 rai nga ai ribonlavin, vitamin B3 rai nga ai niacin, zinc hte sodium dat ni mung rawng nga ai majaw atsawm hkut hkra shadu sha ai rai yang hkamja lam akyu hpe teng sha hkam la lu na rai nga ai.

Rai yang nai lap sha nna kaning re ai hkamja lam akyu ni lu la mai na ga ai kun ngu ai hpe hka ja yu ai shaloi shadu jahkut da sai nai lap gaw lu sha myit krai loi nna mawm dat grai law rawng ai majaw lu sha rin kaja ai akyu jaw ya lu ai. Pu ni shamu shamawt kaja nna kan sa man hkra mung garum ya lu nga ai. Dai majaw nai lap shadu sha ai gaw pu kaba cancer ana nbyin hkra mung makawp maga ya lu ai.

Myi hkamja ai – nai lap hta vitamin A grai law rawng ai gaw myi hkamja ai akyu hpe jaw ya lu nga ai..

Cholesterol hpe hting shara ya lu ai – nai lap gaw cholesterol kachyi mi mung nrawng ai nam lap hpan myu mi rai nga ai. Dai re majaw sai kata na cholesterol sau ni yawm hkrat mat hkra garum ya lu ai zawn mawm dat rawng ai majaw mung sai kata na akyu n jaw ai sau ni hpe shayawm kau ya lu ai.

By - Julia Ja Ing

Source from  website