Mungkan Ting Hte Seng Ai Mang Hkang

Hpa majaw duhkra ladaw galai shai ai lam gaw mungkan ting hte seng ai mang hkang rai nga ai kun nga yang,grup-yin masa,duhkra ladaw galai shai ai gaw shiggyim hpawng,hpaga lam,mungdan uphkang lam ni hte nhprang sut rai garan jai lang masa ni hte seng ai lam amyu myu hta hkrat sum mat ai lam ni byin pru shangun nga ai re.Dai gaw daini shinggyim masha ni hkrum sha ra nga ai kaba dik ai ningdat hkat na saw shaga lam langai rai taw nga ai.Dai a matut byin mai ai sawng dik ai masa ni gaw bawng ring magang nga ai mungdan ni du na shi-ban shaning ni hta laja lana hkrum katut na masa nga nga ai.

Daini matsan masha law law gaw ndai zawn duhkra kahtet ai dam hpe hkam sha ra ai shara hkan nga nna,shanhte a kanbau bungli ni gaw nhten run shi ai shingra nhprang sut rai hte grup-yin shingra masa hta madung da nna galaw ai hkai sun magam,nga hkwi magam hte nam kawn magam ni hte sak hkrung nga ai re.Shanhte gaw kaga hpaga amu nchye ma ai rai nna,duhkra ladaw galai shai lam hte shingra  tara tsinyam dam byin hkrum ai ten ni hta kaga magam tam galaw na ja gumhpraw mahkawng da ai lam n nga ,shanhte a matu shinggyim hpawng hte seng ai garum madi shadaw lam hte prat makawp maga shimlum lam gaw masat madang grai nem nga ai.Ga shadawn tsun ga nga yang,dusat ni gaw duhkra ladaw grai sawng wa ai,hka taw hkyet wa ai lam ni byin ai majaw dai mi na udat shara kaw nlu nga,htawt hakwm ra mat ai.De a majaw matsan ai ni a galaw  lu galaw sha lam hpe hkra wa  ai.Shaloi matsan ai ni gaw tinang a daidaw buga dum nta shara ni hpe kau da ra nna,htawm hpang e shanhte hte shanhte a kashu kasha ni a matu kamhpa lam kaba nga n nga nchye lu ai shara nnan de htawm hkawm sa wa ra mat ai.Shingra grup-yin hten ai majaw matsan jamjau hkrum ai dam kaw na lawt lu na matu buga shara de htawt sit ai yak hkak hkrum ai masha law jat wa ai majaw grai tsang ra mat ai.Dai zawn hkrum nga ai ni hpe mungdan yawng (mungdan ga daga) hte seng ai zuphpawng kaw nna tsin yam hkrum ai ni ngu n sawn ma ai.Dai re majaw shanhte hpe tara shang makawp maga lam hpa hpe mung shanhte nlu hkam sha ai hta n-ga,tinang ngam kau da sai lamu ga sut rai ni,sum mat ai lam hpe hkam jan ra mat ai.

Yawn hpa lam gaw dai zawn jamjau ai lam ni hpe mungkan madang kaw nna n sawn  n nawn ai lam ni law jat nna shara la nga ai lam rai nga ai.Anhte a hpu nau ni hkrum nga ai yawn hkyen mabyin ni hpe anhte htang garum lam n nga ai.Dai rai nna,dai ni shinggyim hpawng gaw de da ai anhte a hpu nau na ni a matu lit la garum na myit masin n nga ai lam gaw mungdan a hkrat sum lam mung rai nga ai.Tsawra shiga madat Nu Wa Hpu Nau ni ndai hkrat sum lam,yawn hpa lam ni gaw mungkan hte seng ai zawn anhte nang ngai yawng hte mung seng nga ai hpe myitdum sawn yu nna Wa Sarabyin Francis a matsun hte maren tinang galaw lu ai madang hta hkan nna byin mai ai daram yawng jawm makawp maga sa wa na lit lu nga ga ai.