Man Laga Lap Hta Na Lu La Mai Ai Hkamja Lam Akyu

Ndai man laga lap hpe e tsi mawan hku nna akyu jashawn sung lang chye ai ni mung nga ga ai re.Anhte law malawng tsi mawan shatai sung lang ga ai gaw kan mase machyi,ningma hkang machyi ai hte gaya ai ana ni byin ai shaloi hkan man laga lap hte tsi shamai la chye ga ai hpe mu lu nga ai.Ndai lam hte seng nna hpung tang hpaji masa hte hkrak rai sawk sagawn da lu ai hta mung (1) kan mase machyi ai masha hpe man laga lap shadu ntsin shing nrai man laga lap shup ntsin jaw lu dat ai shaloi kan sa ai lang yawm wa ai,kan mase hkring mat ai hte kan mase nna hka dat yawm mat ai hpe mung makawp maga ya lu ai lam mu lu nga ai.Dai gaw man laga lap hta Antibacteria Action nga ai majaw shat lam,pu lam ni hta nga ai ana kanu ni hpe sat ma-nga kau ya lu ai,bai Antispasmodic action a majaw kan machyi ai hpe mung hkyamsa mai tsai mat shangun lu nga ai.Dai majaw kan mase machyi ai masha hpe man laga lap shadu ntsin shing nrai htu  shup la lu ai ntsin hpe jaw lu ya mai ai.

 (2)   Man laga lap shup ntsin shing nrai shadu ntsin hpe lu ya ai rai yang makret ka-ut machyi ai lam ni hpe hkyamsa shangun lu nga ai.Hpa majaw nga yang man laga lap hta pain killing effect nga nna shi a atsam ningja gaw morphine zawn rai lak lai ai hpe mu lu nga ai.

 (3) – Man laga lap shadu la ai ntsin mi rai rai, shup la ai ntsin hpe mi rai rai ningma hpye machyi ai,matswi rawng ai ningma ni hte hpye gaya ai shara ni hta shup bang ya ai rai yang mai tsai lu nga ai.Masha nkau mi gaw ndai lam hpe ta tut nan akyu jashawn sung lang taw ai ni mung law law rai nga ai.

(4) – Shayi num ni shangai gindai gaya ana byin ai rai yang man laga lap shadu da ai ntsin loi lum lum nga ai hte kashin ya ai rai yang tsi rung tsi gawk du nra ai sha mai tsai mat lu na ra ai.