Lusha Gam Ladaw Hpe Grau Lachyum Nga Hkra Galaw ya Lu Na Lam (10)

Ya ten hta gaw, anhte Nawku Hpung a Nawku Dawjau ai lam hta Lu Sha Gam Ladaw ngu ai de du shang nga saga ai. Lu Sha Gam Ladaw ngu ai gaw, shinggyim masha ni a matu Madu Yesu nni nhkri yu bak hkrum si hkam na shawng e , n htoi 40 ya tup lu sha gam akyu hpyi ai  hpe myit dum galaw ai lam rai nga mali ai.Dai hte maren, n dai lu sha gam ladaw hta anhte hkan sa galaw ma ai , Lusha Gam Ladaw Hpe Grau Lachyum Nga Hkra Galaw ya Lu Na Lawng lam (10) hpe tang madun shapoi mayu nngai.

1.Myit Azim Sha Rai Nga u – Anhte galoi mung galaw nga ai magam bungli lam ni hte n rau n htau tin shapun rai let nga ai lam n re ai sha, myit hpe a zim sha tawn da let lani mi hta aten maniute 10 daram masat da nna akyu hpyi ai lam galaw u shing nrai Meditation ngu ai tara shim shang ai lam hpe  mung galaw mai nga ai.Dai zawn galaw ai a marang a tinang a hkum hkrang hte Wenyi makam masham lam grau ja wa shangun ya lu nga ai.

2. Laika Book Kaja ai langai langai hpe hti u – Lu Sha Gam Ladaw ten hta hkumhkrang  Wenyi lam hte seng ai shing nrai  tinang hpe myit n-gun a tsam jaw ya lu ai Laika Book ni hpe lata hti yang grai kaja ai lam re.Ga shadawn Anhte Catholic Nawku Hpung Masha ni rai yang, San Pra ai masha langai ngai a lam shing nrai, Wa Sarabyin a matsun laika book nnan ni hpe lata hti mai nga ai.

3.Si Mani ai, Matsan Dum Lama ai myit madun dan u –  Manaw manang wa a ntsa tinang a tsawra matsan dum lama ai myit ni hpe Lusha Gam ai ladaw hta ta tut madun lu na matu grai kaja dik ahkaw ahkang kaba rai nga ai, Tinang hta grau yak hkak jam jau hkrum nga ai ni hpe shawang tsawra myit madun shapraw let kaja ai lam langai ngai hpe galaw ya lu hkra shakut na mai nga ai.

4.Shang Lawm Lu Hkra Shakut U - Wenyi makam masham lam, wan gam ladaw hte seng ai lam ni hpe  sharin ya ai hpawng shing nrai Camp ni lu lung hkra shakut yang kaja nga ai.Bai nna lu sha gam ladaw hta bat 5 ya shana shagu Mayu Yesu nni nhkri hkam let si sat kau hkrum ai lam hpe myit sum ru akyu hpyi ai wudang kawan ai lamang ni hta mung shang lawm lu hkra shakut ra nga ga ai re..Dai gaw  tinang lu sha gam let myit sumru akyu hpyi ai lam hpe madi shadaw ya lu ai hte  Karai Kasang hte grau ni htep ai hku  matut mahkai lu na ahkaw ahkang ni hpe jaw ya lu nga ai.

5.Volunteer  Bungli Galaw u – Tinang a jau Ginwang shing nrai , Hpung lawk kata ra kadawn nga ai shara hkan Volunteer hku nna bungli shanglawm garum ya ai lam ni hpe anhte galoi shagu n lu galaw ai rai tim n dai Wan Gam Ladaw ten hta da sang tinang lu ai   aten hpe ye la nna shang lawm garum lu hkra shakut mai nga ai.Nawku Jawng kata jasan jaseng galaw ai lam, Malu masha shadu jaw shadu ya ai zawn re ai magam bungli ni galaw garum ai marang e, shaman chye ju law law hkam la lu na rai nga ai.

6.Shada Woi Awn Zinlum hkat ai lam galaw u – Wan gam ladaw hta  Nawku jawng hte tsan gang taw ai, wam dam taw nga ai manaw manang ni hpe Nawku Jawng sa na matu, Mara Raw Chyoipra hkum hkam la na matu,Wudang Kawang sa lawm na matu n-gun jaw saw shaga ai lam  ni hpe mung galaw lu hkra shakut yang grai kaja nga ai.

7.Akyu Hpyi U – Akyu Hpyi ai ngu ai hta ,Grau nna gaw tinang hte  nau n htuk ai , nhkrum ai manaw manang ni , tinang hpe  n ju n dawng rai nna manawn masham re chye ai  masha ni a matu akyu hpyi garum ya ai lam galaw lu yang kaja dik rai nga ai.

8. Nga Sa Ladat hpe Galai shai u – Nang gaw galoi mung TV yu taw ai masha langai rai yang, TV yu ai hpe shayawm kau nna n-ta masha ni, makyin jinghku ni , manaw manang ni hte rau hku hku hkau hkau kanawn mazum tsun shaga ai lam ni hpe galaw mai nga ai.N dai zawn re ai gaw wam gam ladaw ten hta galaw mai ai Karai Kasang ra sharawng ai pyaw hpa lam rai nga ai.

9.Arung arai dingsa ni hpe jasan kau u – Tinang n hpun sai, jan taw ai bu hpun palawng, arung arai dingsa ni hpe mahkawng nna kaja nan ra kadawn taw nga ai ni hpe  gam garan jaw ai lam ni hpe mung n dai Lusha Gam ten hta galaw yang grau nna htap htuk manu ai hte shaman chye ju hkam la lu na rai nga ai.Dai zawn galaw ai a marang e , tinang rai tawn da ai  sut dek  hte yup gawk ni mung shara grau man mat na rai nga ai.

10.Alu Jaw Bang Ai Lam Galaw U – Tinang a makau group yin hkan nga ai Sasana Hpung shing nrai  Garum Ningtum Wuhpung ni hte mantut mahkai nna tinang dang lu ai daram Ja gumhpraw , malu masha hte kaga arung arai hpun n ba ni  madi shadaw ai lam hpe n dai Wam Gam Ladaw ten hta galaw mai nga ai.Lu sha gam ten hta alu atan bang shakut ai lam gaw anhte hkum shagu hpe chyoi pra san seng wa shangun lu nga ai hte, Karai kasang a jet ai sape ni tai wa shangun lu nga ai.Dai gaw karai kasang ra sharawng ai lam mung rai nga ai

Source :simplycatholic.com