Jaw Hkra Lam Hkawm U

Kalang  mi hta jep joi lak chyoi langai mi gaw jep joi nnan shang ai rangrut ni hpe shadum jahprang ga tsun ai.Jep joi langai mi gaw shi a lit magam tup hkrak hkan shadik lu na matu tsawmra mi lam hkawm ra ai.Shi gaw jaw hkra lam hkawm ai rai yang,shi a shamu shamawt ai lam gaw shi a hkam ja lam a matu akyu grai rawng ai.Rai tim shi gaw jaw hkra lam nhkawm jang,shi a nrut nra hkri hkraw lasa kashai wa nna,lagaw lata hten wa ai hkrum sha lu ai ngu nna tsun wu ai.

Dai lak chyoi wa a makau kaw dung ai rangrut Maran Hpang Wa ngu ai wa gaw,masha shagu gara hku lam hkawm na ngu ai chye ai hkrai re,ngu tsun nga yang pyi,shi hkum hpe shi chye wa nu ai.

Masha a lagaw ni gaw shawng de ding yang sa wa na matu shawng de shayawn tawn da nga ai.Ndai masa hku lagaw hpe tawn da nna hkawm sa ai rai yang,madu hpe galoi mung akyu jaw nna n shayak na re.Raitim masha law malaw gaw lam hkawm ai shaloi lagaw hpe nda de loi kabai tawn da nna hkawm sa ma ai.Dai zawn re ai masha ni lam hkawm galu jang,shanhte a lagaw shanhte a madu ni hpe shayak na ra ai,ngu nna lak chyoi wat sun dan ai.

Dai ndau shana ai lam ngut ai hapng,Hpang Wa gaw shi hkawm sa ai hte rau,shi a lagaw shinggan maga de loi mi ayau mat wa wa re ai hpe shi dum chye wu ai.Dai majaw dai lai hpe shi sharai hpang wu ai.Dai sharai ai lam kaja nga ai hpe shi mu mada ai.Shi a lagaw yan hpe shawng de ading sha shayawn da yang sha,shi hta wan nga lu ai.Raitim,lahkawng masum ya rai jang,lagaw machyi ai hpe shi hkam sha wa ai.Dai gaw shawoi shi n lang yu ai lasaw lasa ni hpe lang ai majaw,dai lasa ni tsu machyi mat wa ai.Raitim dai machyi ai gaw tsang shara n nga ai.Lasaw lasa ni pyan kung wa ai hpe madun ai lam sha re.Bat mi daram a hpang de,dai machyi ai lam mat mat ai hte Hpang Wa gaw shi a lagaw ndung hpe shawng de ang ang da jang lam hkawm loi ai hpe mu hkrup la nu ai.

Rai yang tsawra ai shiga madat Nu Wa Hpunau ni ndai lam hta anhte sharin la mai na hpe yu ga nga yang ,Hpang Wa a lai kyang nnan hpe shakyang sharawt la ai hta hkrum yu ai lam gaw anhte hpe masha a prat hte seng nna lama mi hpe sharin ya sai rai nga ai.Dai gaw masha a prat gaw shawng de ding yang shamu shamawt sa wa na ra ai.Kalang lang dai zawn hkawm sa nga ai shinggan kaw na n kaja ai lai hte makau de lai wa chye nga ai.Ndai shut ai lam hpe bai shading sharai ai hta machyi ai lam lawm na re.Raitim,dai hpe loili hkam sharang kau yang machyi ai lam hkoi mat wa ai hte masha a prat hpe shading sharai la lu na rai nga ga ai.