Gelato Sole, Italian Ice Cream & Caffee Seng Hpaw

Kabu Mai Ai Shiga

Hkungga tsawra ai shiga madat Nu Wa Hpunau ni hpang de kabu mai ai shiga shana ya dat ga ai.Myitkyina Saradaw Ginwang Nawku hpung kawn GELATO SOLE ngu ai seng mying hte Italian Ice Cream & Caffee seng hpe Myitkyina,Aung Nan RC htap lahkawng gat seng hta 2019 ning February shata praw 1 ya shani hpaw shaman da lu sai re.
Ndai seng a laklai ai lam gaw tinang buga hta shingra ladat hte hkai nna lu ai namsi namsaw ni hpe sha madung sung lang nna Ice Cream galaw mat ai lam chye lu ai.Bai nna Ice Cream galaw ai hta sung lang na arung arai ni hpe mung Italy mungdan na madung htet la nna sung lang mat wa na lam seng lit hkam ni tsun dan ai kaw na chye lu ai.