Ga Shaga Ai Lam ( Hpaji Ningli )

Ndai lamang hta Wajau Paul Lasang La ka lajang tawn da ai Tsawm Htap Ai Nga Sa Lam ngu ai laika buk hta na "Ga Shaga Ai Lam" machye machyang hpe gam garan ya dat ga ai.

Ga shaga ai ngu ai gaw hpa rai kun nga yang masha a myit mang yaw shada sa wa ai lam hpe shada da chye na lu hkra shinggan de shapraw nhtawm tsun htai lai hpyan dan hkat ai lam rai nga ai.

Dusat du myeng ni gaw shanhte a  hpan hta hkan nna nsen amyu myu shapraw nga ma ai.Dai shanhte a nsen hpan ni hpe amyu myu ngu shamying nga ga ai.Ga shadawn Magwi shabram ai,Sharaw grut,gwi wau ai,Wa ngut ka yek ai nga nna tsun ga ai.Raitim anhte shinggyim masha ni a nsen hpe chyawm gaw ga shaga ai ngu nna tsun nga ga ai.Dusut gaw hpaji nrawng ai,nsin chyip hta nga ai.Raitim anhte shyinggyim masha ni gaw asak wenyi lu ga ai,myit masin nyan hpaji lu ai,nhtoi a kashu kasha ni rai nga ga ai rai nna masha hte tsun shaga sa wa ai lam shagu hta anhte a sari sadang hte maren tsun shaga sa wa na ra ga ai.

Lawu na nsen file hta hkum hkra matut madat yu ga.

Lamang tang madun ai - Julia Ndawng Ja  Ing