Sak Jaw Ai Hkring Htawng ( 23 June2019 )

Image of youth

*** Sak Jaw Ai Hkring Htawng ***

Anhte Shinggyim Uhpung uhpawng hta lu su ai, matsan ai, n-gun ja ai, n-gun kya ai, hpaji chye ai hte nchye ai nga nna nga shajang nga ga ai.Ndai zawn nbung hkat ai prat, nbung hkat ai masa, nbung hkat ai atsam marai ni hte tsawm htap ai prat hpe gaw ga sa wa nga ga ai ni hkrai rai nga ai. Dai zawn nbung hkat ai lapran hta Sak jaw ai ngu ai hkring htawng nga wa sai. Lu su ai ni gaw matsan ai ni hpe sak jaw daw jau ai zawn, n-gun ja ai ni mung gawng kya ai ni hpe garum shingtau nga ai. Hpaji chye ai  ni mung, nchye ai ni a matu hpaji hka hpawk hpe ginlen ya ai hku nna sak jaw ai hkring htawng maka hpe grau nna lachyum shapraw ya nga ai. " Lata lahkawng rai yang she ta hpawk dum mai ai zawn jaw ya ai hte hkamla ai wa nga yang chyu sha sak jaw ai lam gaw lachyum rawng nam nak nga na re. Jaw ya ai wa nga yang she hkam la lu ai zawn, hkam la ai wa nga ai majaw jaw ya lu na re. Sak jaw shagu akyu lu ai zawn , hkamla shagu mung akyu rawng nga ai. Hpa majaw nga yang jaw ya ai ni hte hkam la ai ni a myit masa majaw rai  nga ai. An hte a prawt hta mung karai kasang jaw ai asak, kanu kawa jaw ai prart, sar ni jaw ai laika hpaji , dai zawn re ai chyeju madu law law nga ga ai. Anhte a aprat hta galoi mung hkam la lu ai lam ni gaw maga mi de sak jaw ai wa nga ai a majaw sha rai nga ai. Teng sha tsun ga nga yang shangai wa ai ten kaw nna si mat wa ai ten du hkra masha shagu gaw Jaw ya ai hte Hkamla ai lam gaw galoi mung hkrum nga ai

 

 

 

#crdbroclementhkawngze

#rvakachinservices

#myitkyinaawngnan.

Add new comment

8 + 12 =