Kanu Kawa ni shara shagu shanglawm ai gaw Ma ni a matu n kaja ai zawn Kanu Kawa ni a matu mung nkaja nga ai

Online Photo

            Anhte Kanu kawa nkau ni gaw tinang kashu kasha jawng kaw shing nrai manaw manang hte ga law ninggyet hkat ai hta hkrum hkam sha nna wa ai ten hkum hkam nga bai galaw dat u nga nna tsun sharin chye ma ai.Gatut hkrum hkam nna wa jang bai kayet jat na ngu tsun sharin ai ni pyi nga ai re.Dai zawn tsun sharin shaga ai gaw nmai nga ai re.Dai gaw anhte  a kashu kasha ma ni hpe mazut matsai   ari ahpri rai chye na matu sharin ya ai hte bung wa chye nga ai.Ga law ninggyet hkat ai ten ta shawng du hkra kayat ai lam hta grau kaja simani ai ladat hte tsun sharin shaga ai ladat law law nga ai re.Ga law ninggyet hkat chye na matu n sharin ai sha Manghkang hpe hpran hparan chye ai ladat hpe mahtang sharin ya ra ai.Bai nna tsawra kanu kawa ni e tinang a kashu kasha a lam hta shara magup hkum nan shanglawm hparan ya ai lam gaw Ma ni hpe asung nshang ai masha byin tai shangun nga ai hte bung nga ai re.Dai majaw tsawra nu wa ni e anhte kashu kasha ni hpe kade daram mi tsawra nja ai raitim kalang marang shanhte hpe hkrai dat ya ai ten mung nga ra ai.Anhte nkau kanu kawa ni nga yang kashu kasha ni hpe san ai ga san hpe pyi malai htai ya chye  ma ai.

                Kanu kawa ni Grai ladu shalai tsawra hkrum ai Ma a prat shawng lam gaw grai myit li hpa rai nga ai.Dat dat na ten du jawng  gwi gwi dat lu na matu Ma ni hpe nhkrit nhkang rai lu na matu tau nau tsun sharin da ra ai.Anhte kanu kawa ni shara shagu shanglawm ai gaw shanghte a matu n kaja ai zawn kanu kawa ni a matu mung nkaja nga ai.Kaja wa nan anhte gaw shara shagu shanglawm mai ai kun?shanhte a matu akyu nga ai kun? ngu ai hpe anhte Kanu Kawa ni myit yu mai nga ai.Raitim gara hku galaw yang grau mai ai htap htuk ai ngu lam madun ai lam hpe gaw mai galaw nga ai.Dai majaw tsawra nu wa ni e anhte kashu kasha ni hpe dat dat yu shanhte gaw shanhte a matu hkum nan kaja dik ai lam hpe daw dan galaw wa lu na rai nga ai majaw anhte sawn tak tawn ai hta grau nna gwi kaja ai ninghkring ni hpe lu tawn da ai hpe chye wa na rai nga ai.Tsawra ai nu wa ni e anhte kashu kasha Ma ni gaw prat ram kaba wa nna shanhte a lagaw shanhte tsap wa ai ten gaw anhte kanu kawa ni share shagan myit rawng ra ai aten rai nga ai.Ndai hpe hkap la lu hkra mung shakut ra nga ai.Nkam hka ai ngu gang da tim anhte a kashu kasha ni gaw anhte a makau kaw nga yang she nga na rai nga ai.Anhte hkum nan mung tinang chying hkai kanu kawa ni hte hka nna kun dinghku de nga ai rai nga ai dai majaw tinang kashu kasha ma ni hte hka na ten hpe mung shajin tawn ra ai.Ndai gaw prat a shingra tara lwi yawng nga ai lam rai nga ai.Dai majaw tsawra hkungga ai nu wa ni e tinang a kashu kasha ma ni mungkan pinra hta anhte nlawm ai sha hkawm sa ai ten myi man kaji,myit kaji garen ai lam nnga,nhkrit nkang ai hte prat hpe ningtawn myit su sumnung shingdi ai hte hkawm sa lu hkra anhte kanu kawa ni tsun sharin shaga ga ngu tsun let lamang hpe ndai kaw ja hkring sai.

 

By : John Mung Hkrang

Add new comment

9 + 6 =