Hpaji Hpe Manu Shadan Ga ( Youth Program )

Tsawra Ai Ramma Ni.. Hpaji hpe manu shadan ga… Anhte ni hpaji sharin nga ai ten ni hta gaw, grai pu ba ai zawn nga hkam sha chye ga ai. Kaja wa anhte ni, sharin da ai hpaji chye chyang nna, dai chye chyang da ai hpaji hte, galaw lu, galaw sha na ten du wa ai ten hta, hpaji nchye ai ni hta, shang gumhpraw grau nga ai zawn, hpaji nchye ai ni zawn, pu ba hkra, bungli n-galaw ra nga ai.

Dai majaw tsawra ai ramma ni, sak naw ram ai ramma ten hta, kanu kawa, makin jinghku ni, galaw ya lu ai ten hta, galaw ya lu ai daram, hpaji hka ja shakut ra nga ga ai. Masha gaw, pu ba hkra nlu galaw ai majaw, hpaji chye yang she, zim sha nga let, galaw shakut nga lu na ngu ai hpe, galoi mung myit let, shakut sa wa ga. Ya mung du taw ai shara, tsap lu ai kaw, nhkring ai sha, hpaji lam, bungli magam lam hte seng nna, hpa naw matut hka ja, shakut ra ai ngu ai myit jasat hte, ning gam hte ning gam lung wa na matu, shakut ra nga ai. Myit su sara langai tsun ga ai, ngai hpe tsawm yu u, masha gaw kaji sha law, hkum gawng shingyan gaw ntsawm, ndai hkrang hte gaw, bungli tswam galaw lu na ngu gaw, lata ai lam langai gaw ra nga sai rai nga ai…. Masha ni zawn bungli shaja nlu galaw ai majaw, hpaji hpe nchye nmai shakut hka ja ai, kung kyang hkra galaw shakut ai. Ya na machye machyang hpaji ni hpe madung da let, ngyan atsam marai hte, galaw ai shara kaw ngai magam bungli galaw nga ai. Shata shabrai gaw kade lu ai nang chye chyalu re nga nna, tsun ga ai

Nyan marai machye machyang hpe akyu jashawn let, galaw ai, kaja wa ma teng sha rai nga ai. Shata shabrai hpe shi kahtap lu nga ai. Laga Company kaba ni mung, mying kaba ai company ni mung shaga la hkrum nga ai, ndai lam gaw, shi a kaji ai ten hta, myit da ting hka ja shakut ai hpa ji lam ni a majaw rai nga ai. Bai Tsawra ai Ramma ni Hpa ji ngu ai gaw, hka ja shakut ai hte sha nngut shi nga ai. Jai lang chye na mung ahkrak la nga ai. Dai hta e, Computer hpa ji hpe sharin hkaja la ai, jahpan chyarang hte seng ai hpe hka ja ai,bai English ga hpan , Miwa Ga hpan ni shkarin hka ja ai, dai sharin dabang ngut ai kaw na shagrau let mat, sharin dabang yu let mat sha lang let, nchye shi ai ni mung naw lawm nga ai hpe mu lu nga ai. Practice Make Perfect ngu ai hte maren, kade lang kahtap nna, shaman shakyang ai lam ni galaw nga yang she, kaja ai ngu ai ni hpe lu la na rai nga ai. Ndai zawn shaman shakyang  ai lam ni lu na matu gaw, bungli kata kaw sha, mahkrum madup lu na matu, tinang chye da ai hpaji hte bai jai lang yang she, kung kyang wa na rai nga ai. Bai tsawra ai ramma kanau sha ni..langai san mayu ai gaw: Ya tatut a pu kan magam a matu, bungli n-nan, hpang galaw sana nga yang, kaning zawn re bungli ni hpe nang lata na kun? Ngu ai hta,1. N-gun atsam hte galaw ra ai bungli hpe lata na kun?. 2.Ngyan marai hte galaw na kun?. 3. Shing nrai yang, Lahkawng Yan Galaw Na Kun? Ngu ai lam ni hpe, tsawra ai kanau sha ni hpe e, Tsawm myit yu shangun mayu ai.

Tinang gaw, kaning rai machye machyang hpa ji ni hpe, chye chyang da ai kun? Dai hpe akyu nga hkra, jai lang ngut sai kun?  Tinang a hkum hkrang n-gun atsam hpe jai lang let, tsam pu tsam pa galaw na kun? Ndai lam ni hpe tsawm sha, myit daw dan jahkrat u….Ten nhpang hkrat shi nga ai. Tinang galaw taw nga ai shara kaw sha, nhkring, ntsap taw nga ai sha, matut hkawm sa u, hkring taw yang, grau tsan mat chye nga ai hpe, myit dum let, shakut u.. Tsan mat ai shara hpe bai hkan shachyut na mung, pu ba la nga ai re. Tatut nga taw ai shara kaw na, tinang ra sharawng ai shara hpe, byim hkra, shakut hkawm sa ga, hpang jahtum hku tsun ga nga yang, shawng daw de tsun lai wa sai hte maren, hpaji hpe manu shadan saw a ga ngu n-gun jaw dat let….