Awng Dang Ai Lam Yan De, Du Hkra Sa Wa Ga.Daw 2 ( Youth Program)

youth and succes

Hpaji Hpyi La U, Hpaji Jaw U- Ngu Ai Hta E..Nnag hta, teng man mai kaja ai makau grupyin, jinghku manaw manang, kanu kawa, sara/um ni nga ai nga yang, hkrum katut wa ai ning dat ai lam ni a matu, na a makau grupyin, jinghku manaw manang ni shada da, hpaji hpyi la u, bai shanhte hta hkrum katut wa ai ten ni hta mung, hpaji jaw dat u. Ngut nna, na a kanu kawa sara ni hta na hpaji hpyi bawng ban shakut ra ai, ndai zawn galaw ai a marang e, na a myit sawn sumru lam ni hpe, shaman shakyang ya ai hte bung wa nna, na a bawnu langai hte  myit sawn ai hta, grau kaja htuk manu ai mahtai lu na teng sha rai nga ai, bai nang hpe awng dang lam a matu madi shadaw ya na makau grupyin ni paw pru wa na teng sha rai nga ai law.

Myit Maju Jung Lam Hte, Chyam Dinglik Yu Ai Lam – Sak prat hta awng dang mayu ai wa a matu, nseng ang ai lam ni hpe myit maju njung na matu ra nga ai, ya na anhte a prat hta, nseng ai lam hpa nnga ai, yang chye da ra ai nga ma ai hpe mung na lu nga ai. Dai mung kaja wa teng nga ai. Machye machyang mahkrum madup hku na chye da gring nga ai re. rai timung, nnag a madung da awng dang mayu ai sak prat a matu gaw myit maju njung ra nga ai anhte ni law malawng gaw, nye prat gaw, gara hku awng dang ra ai nga nna tsun let, myit da ting da nna, tsun ai hte maren byim hkra, hkrang shapraw ai shara hta, myit maju jung lam n-gun yawm nga ma ai. Myit maju jung ai lam gaw kade ahkrak nga ai hpe mung nchye nga ma ai,manu nshadan nga ma ai. Dai majaw tsawra ai ramma ni hpe mung, prat a awng dang mayu ai lam hta, kade ram ten jaw nna myit maju jung sai kun nang yu nga ai Face book, korea sum la, gawdin poi ni hpe myit maju jung ai zawn rai nga sai kun san jep shangun mayu nngai Dai majaw myit maju jung ai hte n-ngut mat ai sha, tinang hkum tinang san jep yu ra na mung ahkrak nga ai lam ndai shara kaw madi madun mayu nngai. Ya nang hkawm sa nga ai lam , nang myit maju jung nga ai lam gaw, nang ra sharawng nga ai awng dang lam de du lu ai lam rai nga kun teng na ra nga ai . nang hta lung na lakang mung nga ai, dai lakang hpe gara hku jai lang na hpe mung chye ai, dai lakang hpe lang na yak yak hkak hkak lung wa nna ndung du ai ten hta she, tinamg lung mayu ai lakang nre ai lam chye mat yang,, nang a shakut shaja ai lam ni a ntsa hkrat sum yawn hpa tai wa chye nga ai, dai majaw myit maju jung na ra nga ai zawn, san jep yu na mung nmai malap kau nga ai re.

Kaji La Ai Lam Yan Ni A Matu Nga Tim, San San Seng Seng Galaw U – Prat a awng dang lam byim mayu ai ni gaw, bungli galaw ai shara hta, san san seng seng galaw chey na ra nga ai. Ndai bungli gaw mang hkang nnga ai law nga nna, mai byim ai hku sha galaw nga yang, awng dang ai prat hpe lu madu na nrai nga ai. Kaji la ai lam yan masa ni raitim san san seng seng hte mai kaja ai hku nlu galaw ai rai yang, kaja yak hkak  ai lam yan ni hpe lu galaw na ngu gaw nmai byim nga ai.awng dang ai prat ngu ai gaw, lu galaw ai lam ni hpe mai kaja hte san seng ai hku lu galaw ai ni lu madu ai jan mau mung rai nga ai, na a magam dap hta, kaji la ai lam yan ni galaw nga ai nga tim san seng mai kaja hkra galaw let, awng dang ai prat hpe lu madu hkra shakut sa wa ga, loi loi hte awng dang na nga yang awng dang taw nga ai ni law nga sai re, awng dang ai prat ngu ai gaw, ging dang ai arang bang ra ai lam yan langai rai nga ai, ja gumhpraw arang bang ai hta, hpaji, atsam marai, gwi hkring lam ni hpe arang bang ai lam gaw grau ra kadawn nga ai, dai majaw awng dang ai prat hpe lu madu na matu, nang a ahkying aten ni hpe maikaj hkra arang bang na mtu ra kadawn nga ai ngu hpaji jaw dat let.

#youth

#rvakachinservice

Add new comment

13 + 2 =